అయితే ఇక ఈ సీజన్ తర్వాత మాత్రం ధోని తప్పకుండా రిటైర్మెంట్ ప్రకటిస్తాడు అని అందరు ఫిక్స్ అయిపోయారు. ఎందుకంటే చెన్నై సూపర్ కింగ్స్ కెప్టెన్ గా తప్పకుని రుతురాజు గైక్వాడ్ కి కెప్టెన్సీ అప్పగించాడు. ఇక తన ఆధ్వర్యంలోనే రుతురాజ్ కు కెప్టెన్సీ మేలుకువలు కూడా నేర్పించాడు. ఇక చెన్నై సూపర్ కింగ్స్ హోమ్ గ్రౌండ్ అయిన చపాక్ స్టేడియంలో జరిగిన చివరి మ్యాచ్ లో మైదానంలో తిరుగుతూ అటు అభిమానులకు అభివాదం కూడా చేశాడు. ఇదంతా చూస్తుంటే ఈసారి ధోని రిటైర్మెంట్ ఖాయం అంటూ అందరూ ఫిక్స్ అయిపోయారు. అయితే ఇదే విషయం గురించి అటు చెన్నై కోచ్ మరోలా స్పందించారు.
మహేంద్ర సింగ్ ధోని ఈ సీజన్ తర్వాత రిటైర్ అవుతాడా అంటూ ప్రశ్నించగా.. చెన్నై సూపర్ కింగ్స్ బ్యాటింగ్ కోచ్ హస్సి ఆసక్తికర వ్యాఖ్యలు చేశాడు. ధోని అన్ని విషయాలను రహస్యంగా ఉంచుతారు. రిటైర్మెంట్ గురించి అందరికీ ఎంత తెలుసొ నాకు కూడా అంతే తెలుసు. జట్టులోని ప్రతి ఒక్కరూ ఆయన ఇంకొన్ని సీజన్లు ఆడాలని కోరుకుంటున్నారు. అయితే ఒక్క మోకాలి గాయం సమస్య తప్ప ఆయన బ్యాటింగ్ అద్భుతంగా సాగుతోంది. నెట్ ప్రాక్టీస్ సమయంలో కూడా అందరికంటే ఎక్కువగానే సాధన చేస్తున్నాడు. మరి ఏం నిర్ణయం తీసుకుంటారో ఆయన చేతిలోనే ఉంది అంటూ సీఎస్కే బ్యాటింగ్ కోచ్ హస్సి ఆసక్తికర వ్యాఖ్యలు చేశారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి