ఈ సినిమా కథ కాస్త అక్కినేని నాగేశ్వరరావు, మీనాల సీతారామయ్య గారి మనవరాలు కధకు మోడరన్ రీమేక్ లా ఉంటుంది. 2014 అక్టోబరు 1న విడుదలయిన ఈ సినిమా అప్పట్లో డిజాస్టర్ గా నిలిచింది. నిజానికి ఈ సినిమాకి ముందు దగ్గుబాటి వెంకటేష్, చరణ్, ఘట్టమనేని కృష్ణలు ముఖ్యపాత్రలు పోషించనున్నారని అన్నారు. అంతు ముందు చరణ్ తేజ తుఫాన్ సినిమా ఆడియో రిలీజ్ కి వెంకటేష్ రావడం ఈ వార్తకు బలాన్ని చేకూర్చింది. అయితే తరువాత కృష్ణ ఆరోగ్య సమస్యల వల్ల ఈ సినిమా నుంచి తప్పుకున్నారు. వెంకటేష్ కూడా ఎవో కారణాలతో తప్పుకోగా ఆ పాత్రను శ్రీకాంత్ భర్తీ చేసారు.
ఇక మగధీర తరువాత ఫ్యామిలీ జోనర్లో ఓ సినిమా చేయాలనుకున్న చరణ్ కి ఈ సినిమా చేసే దాకా కుదర లేదు. అయితే ఈ సినిమా దెబ్బకు మళ్ళీ ఆ జోలికి వెళ్ళలేదు అనుకోండి. ఇక నిజానికి సినిమా మొదలైనప్పుడు రామ్ చరణ్ తాత పాత్రలో నటించింది ప్రకాష్ రాజ్ కాదు, తమిళ నటుడు రాజ్ కిరణ్ ఆ రోల్ లో 60% షూటింగ్ పూర్తయిన తరువాత ఆయన స్థానంలోకి ప్రకాష్ రాజ్ ని తీసుకొచ్చారు. ఇలా ఎందుకు జరిగింది అంటే, ఈ సినిమా షూటింగ్ లో కొన్ని రషెష్ చూసిన చిరంజీవి, ఈ సినిమాలొ హీరో ఎవరు? రామ్ చరణా లేక రాజ్ కిరణా? అని కృష్ణవంశీని ప్రశ్నించారట. రాజ్ కిరణ్ చరణ్ ని బాగా డామినేట్ చేస్తున్నారని, కథలో, పాత్రలో మార్పులు చేయమని కోరారట. దాంతో షూట్ మధ్యలో నిలిపివేసి కథలో, ఆ తాత పాత్రలో మార్పులు చేసి రాజ్ కిరణ్ ని సినిమాలోంచి తప్పించి ప్రకాష్ రాజ్ ని తీసుకొచ్చారు.