తండ్రి బ్యానర్లో వస్తున్న సినిమా కావడం, మామయ్య చిరంజీవి హీరోగా నటిస్తున్న సినిమా కావడం తో ఈ సినిమాలో కీలకమైన డ్యాన్సర్ పాత్రను పోషించడానికి అల్లుఅర్జున్ ఒప్పుకున్నారు. ఈ సినిమా కథను మలుపు తిప్పే ఈ పాత్రలో వేరొకరిని ఊహించలేని విధంగా అల్లు అర్జున్ తన ప్రత్యేకతను చాటుకున్నాడు. సినిమాల్లోకి రాకముందే తనకు డ్యాన్స్ ఏ రేంజ్ లో వచ్చో ఈ సినిమాతోనే నిరూపించుకున్నాడు తనని తాను అల్లు అర్జున్. చురుకుగా కదిలే ఈ కుర్రాడిని ప్రేక్షకులు గమనించిన కూడా అతను ఇప్పుడు ఇంత స్టార్ గా ఎదుగుతాడు అని అనుకోలేదు కాబోలు.
ఈ చిత్రంతో సురేష్ కృష్ణ దర్శకుడిగా టాలీవుడ్ కి పరిచయమవగా సిమ్రాన్ హీరోయిన్ గా రాజేంద్ర ప్రసాద్ ప్రధాన పాత్ర పోషించాడు. ఇక ఈ సినిమా ద్వారా మంచి పేరు అందుకుంది బాలనటి అనుష్క మల్హోత్రా. మెగాస్టార్ కెరీర్ లోనే ఎంతో డిఫరెంట్ చిత్రంగా ఉన్న ఈ సినిమా హిందీలో కూడా రీమేక్ అయి సూపర్ హిట్ సాధించింది. 97 సెంటర్లలో 50 రోజులు, 15 సెంటర్లలో 100 రోజులు ఆడి అప్పట్లో మంచి రికార్డును సెట్ చేసింది. ఎస్ ఎ రాజ్ కుమార్ సంగీతం ఈ సినిమాకి ప్రధాన ఆకర్షణగా నిలవగా తమిళ్ లో కూడా ఈ సినిమా రీమేక్ అయింది.