కన్నడ చిత్రం కిరిక్ పార్టీతో తన నటనా జీవితాన్ని ప్రారంభించిన రష్మిక మందన్న ఇప్పుడు తెలుగు, తమిళం, హిందీ భాషలలో చాలా బిజీగా ఉన్న నటి.

అయినప్పటికీ రష్మికపై సోషల్ మీడియాలో చాలా ట్రోల్స్ ఉన్నాయి. ఆమె చేసే కామెంట్స్, ఇతర కారణాలతో విమర్శల పాలవుతూనే ఉంది. ఎక్కువ కన్నడ ప్రజలు ఆమెను ట్రోల్ చేస్తూ ఉంటారు. దానికి చాలా కారణాలు ఉన్నాయి. ఆమె కన్నడ సరిగా మాట్లాడదు అనే విమర్శ కూడా ఉంది. మరో కారణం ఏంటంటే.. రక్షిత్ శెట్టి, రిషబ్ శెట్టి గురించి కూడా తేలిగ్గా మాట్లాడటం. రష్మికను సినిమా ఇండస్ట్రీకి పరిచయం చేసింది వీరిద్దరే. అయితే తాజాగా ఈ విషయాన్ని రష్మిక ఒప్పుకుంది. రక్షిత్ శెట్టి, రిషబ్ శెట్టి విషయంతో తన మనసు మార్చుకుంది.

ఇటీవల ఓ తెలుగు యూట్యూబ్ ఛానెల్‌కు ఇంటర్వ్యూ ఇచ్చిన రష్మిక మందన్న తన మొదటి సినిమా గురించి మాట్లాడింది. రక్షిత్ శెట్టి మరియు రిషబ్ శెట్టి గురించి గొప్పగా చెప్పింది.

'రక్షిత్ శెట్టి, రిషబ్ శెట్టి నాకు చిత్ర పరిశ్రమకు దారి చూపించారు. నటిని కాగలనని తెలియని సమయంలో సినిమా అవకాశం ఇచ్చింది.. నన్ను నమ్మి అవకాశం ఇవ్వడం గొప్ప విషయం. వారితో పని చేయడం అద్భుతమైన అనుభవం. కిరిక్ పార్టీ, అంజనీపుత్ర సినిమాల ప్రయాణం నాకు ఇంకా గుర్తుంది. ఇప్పటివరకు నేను కొన్ని అద్భుతమైన టీమ్‌లతో పనిచేశాను. సాన్వి పాత్రను రిషబ్, రక్షిత్ రాశారు. నన్ను సినిమా ఇండస్ట్రీకి పరిచయం చేశారు. ప్రపంచానికి చూపించారు. నేను నిజంగా కృతజ్ఞురాలిని.' అని రష్మిక చెప్పుకొచ్చింది.

కొన్ని నెలల క్రితం ఓ ఇంటర్వ్యూలో తాను సినిమాలో నటించనని చెప్పినా కొంతమంది (రిషబ్-రక్షిత్) తన వెనుక పడి నాకు పాత్ర ఇచ్చారని రష్మిక తెలిపింది. దాదాపు 20 సినిమాలకు ఆడిషన్ చేశానని వెల్లడించింది. స్నేహితులు-గర్ల్‌ఫ్రెండ్స్ అనే సినిమాకి ట్రైనీగా కూడా ఎంపికయ్యానని పేర్కొంది. కానీ ఆ సినిమా ఆగిపోయిందని వెల్లడించింది. అదే సమయంలో కిరిక్ పార్టీ సినిమా నుంచి తనకు అవకాశం వచ్చిందని తెలిపింది రష్మిక.

ఇంతకుముందు కొన్ని ఇంటర్వ్యూలలో రష్మిక మందన్న.., రిషబ్ శెట్టి, రక్షిత్ శెట్టి, కిరిక్ పార్టీ సినిమా పార్టీ గురించి తేలికగా మాట్లాడింది. దీని కారణంగా రష్మిక నిరంతరం ట్రోల్స్‌కు గురి అయ్యింది. రిషబ్ శెట్టి స్వయంగా తాను ఇచ్చిన ఇంటర్వ్యూలో రష్మికను పరోక్షంగా విమర్శించాడు. అయితే ఇప్పుడు రష్మిక తన తప్పును సరిదిద్దుకున్నట్లు తెలుస్తోంది. వారి కారణంగానే సినిమా ఇండస్ట్రీలోకి వచ్చానని తెలిపింది.

మరింత సమాచారం తెలుసుకోండి:

socialstars lifestyle

murali krishna

31/05/2023 04:08 PM