స్టార్ హీరో కటౌట్ అవసరం లేకుండా సక్సెస్ అవుతున్న ఉదాహరణలు ఇప్పటికే ఎన్నో చూశాం. లవ్ స్టోరీ, హనుమాన్, బేబీ లాంటి సినిమాలు చిన్న బడ్జెట్‌తో రూపొందినా రికార్డు వసూళ్లు సాధించాయి. అదే సినిమాలు ఒక పెద్ద బ్యానర్ నుంచి వస్తే మరింత రీచ్, మరింత కలెక్షన్లు రావడం ఖాయం. ఇప్పటి జనరేషన్‌లో టాలెంట్ కొదవలేదు. వెబ్ సిరీస్‌లు, షార్ట్ ఫిల్మ్స్, సోషల్ మీడియా ద్వారా కొత్తవాళ్లు తమ ప్రతిభ చూపిస్తున్నారు. కానీ వారికి సరైన వేదిక లేదు. పెద్ద నిర్మాతలు, బ్యానర్లు కొత్త వాళ్లపై రిస్క్ తీసుకోవడం లేదు. ఒకవేళ అవకాశమొచ్చినా బడ్జెట్ సమస్యలతో మధ్యలోనే ఆగిపోతుంది. ఇలాగే టాలెంట్ వృధా అవుతోంది. థియేట్రికల్ రిలీజ్‌లకు భారీ పబ్లిసిటీ అవసరం. అగ్ర బ్యానర్లు చేయగలిగే ఆ స్థాయి ప్రమోషన్ లేకపోవడం వల్లే మంచి సినిమాలు సగం దారి లోనే ఆగిపోతున్నాయి.
ఇటీవల వచ్చిన లిటిల్ హార్స్ట్ సినిమాని తీసుకుంటే - పూర్తిగా కొత్త వాళ్లతో, కొత్త దర్శకుడి చేత తెరకెక్కింది. నిర్మాత కూడా దర్శకుడే కావడం వల్ల తన పరిధిలోనే క్వాలిటీగా సినిమా తీశాడు. ఫలితంగా ఆ సినిమా కంటెంట్‌తోనే ప్రేక్షకులను ఆకట్టుకుంది. ఇలాంటివి ఎక్కువైతే ఇండస్ట్రీకి కొత్త ఊపు వస్తుంది. ఒకప్పుడు చిన్న సినిమాలు అంటే చిన్న చూపే ఉండేది. కానీ నేడు ట్రెండ్ మారిపోయింది. కంటెంట్ ఉంటే చిన్న సినిమాలే వసూళ్లు రికార్డ్ చేస్తున్నారు. ఈ ట్రెండ్‌ని అగ్ర బ్యానర్లు పట్టుకుంటే, కొత్తవారికి అవకాశాలు ఇస్తే, ఇండస్ట్రీలో మరిన్ని అద్భుతాలు సృష్టించవచ్చు. కొత్త తరపు ప్రతిభ, అగ్ర బ్యానర్ల శక్తి కలిస్తే—తెలుగు సినిమాకు కొత్త యుగం మొదలవడం ఖాయం. మొత్తానికి, స్టార్ కాంబినేషన్ల మాయలో పడిపోయే బదులు, కంటెంట్‌కి పెద్ద స్థానం ఇస్తేనే ఇండస్ట్రీ నిజమైన బంగారు దశలోకి అడుగుపెడుతుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి