దీపికా ప్రయాణం మరింత వేగంగా సాగింది. కన్నడలో ప్రారంభమైన ఆమె కెరీర్, ఓం శాంతి ఓంతో షారుక్ ఖాన్ జోడీగా బాలీవుడ్‌లో ఎంట్రీ ఇవ్వగానే ఆల్ టైమ్ బ్లాక్‌బస్టర్ సాధించింది. అటుపై వెనక్కి తిరిగి చూడలేదు. స్టార్ హీరోలతో వరుస సినిమాలు చేస్తూ, నేటి బాలీవుడ్‌లో నంబర్ వన్ హీరోయిన్‌గా నిలిచింది. రణవీర్ సింగ్‌తో ప్రేమ వివాహం చేసుకుని వ్యక్తిగత, వృత్తిపరంగా స్టేబుల్‌గా ఉన్నది. ఇద్దరి తర్వాత బెంగుళూరు నుంచి బాలీవుడ్ వైపు అడుగుపెట్టిన స్టార్ హీరోయిన్ రష్మిక మందన్నానే. కన్నడలో లాంచ్ అయి, టాలీవుడ్‌లో రికార్డ్ స్థాయి స్టార్‌డమ్ సంపాదించింది. చాలా తక్కువ సమయంలోనే “నేషనల్ క్రష్” అనే టైటిల్ తెచ్చుకుంది. టాలీవుడ్ సక్సెస్‌లతో పాన్ ఇండియా స్థాయిలో పాపులారిటీ దక్కించుకుంది.
బాలీవుడ్‌లో మొదట గుడ్ బై, మిషన్ మజ్ను లాంటి చిత్రాలతో పెద్ద ఇంపాక్ట్ చూపలేకపోయినా, ఒక్క యానిమల్‌తో మాత్రం సీన్ మార్చేసింది. రణబీర్ కపూర్ సరసన నటించి, దేశవ్యాప్తంగా బ్లాక్‌బస్టర్ ఇమేజ్ తెచ్చుకుంది. ఆ వెంటనే చావాతో హ్యాట్రిక్ విజయానికి దగ్గరగా వెళ్లింది. సికిందర్ పరాజయం అవ్వడంతో పెద్దగా ప్రభావం చూపకపోయినా, రష్మిక క్రేజ్ మాత్రం తగ్గలేదు. ఐశ్వర్యరాయ్ – దీపికా – రష్మిక అనే మూడు భామలు ఇప్పుడు బాలీవుడ్‌లో వేర్వేరు తరాలుగా ఏలుతున్నారు. అందం, నటన, క్రేజ్… ఈ మూడు మిళితమై రష్మికను నేటి బాలీవుడ్‌లో స్టార్ హీరోయిన్ రేసులో ముందుకు నడిపిస్తున్నాయి. స్టార్ హీరోలు కూడా ఆమెతో నటించడానికి క్యూలో నిలబడుతున్నారు. మొత్తానికి, బెంగుళూరు నుంచి వచ్చిన మరో భామ – రష్మిక మందన్నా ఇప్పుడు బాలీవుడ్‌ను షేక్ చేస్తూ, నేషనల్ లెవెల్‌లో టాప్ హీరోయిన్‌గా ఎదుగుతున్న దారిలో ఉంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి