ఈ గ్రాండ్ ఈవెంట్‌కు హోస్ట్‌లుగా తెలుగు ప్రేక్షకుల అభిమాన యాంకర్ సుమ కనకాల, అలాగే హిందీ అడియెన్స్ కోసం ప్రసిద్ధ యూట్యూబర్ ఆశీష్ చాంచలానీ వ్యవహరించనున్నారని ప్రచారం జరుగుతోంది. దీని కోసం వారు చేస్తున్న ప్రిపరేషన్స్ గురించి ఇటీవల సోషల్ మీడియాలో ఒక ఫోటో బాగా వైరల్ గా మారింది. ఆ ఫోటోలో కనిపించిన ఏర్పాట్లు, రిహార్సల్స్ చూస్తే ఈ ఈవెంట్ కోసం రాజమౌళి ఎంత ప్యాషన్‌తో పనిచేస్తున్నారో స్పష్టంగా అర్థమవుతోంది. ఇక చిత్రంలోని కాస్టింగ్ విషయానికి వస్తే, మలయాళ సూపర్ స్టార్ పృథ్వీరాజ్ సుకుమారన్ ‘కుంభ’ అనే కీలకమైన పాత్రలో కనిపించనుండగా, బాలీవుడ్ స్టార్ ప్రియాంక చోప్రా ‘మందాకిని’ పాత్రలో అలరించనున్నారు. చీరలో గన్ ఫైర్ చేస్తూ ప్రియాంక అద్దిరిపోయే లుక్స్ లో కనిపించబోతుంది. వీరి పాత్రలు కథలో అత్యంత ప్రభావశీలమైనవిగా తెరకెక్కుతున్నాయని యూనిట్ వర్గాలు చెబుతున్నాయి.
‘గ్లోబ్ ట్రాటర్’ ఈవెంట్‌పై తెలుగు సినీ పరిశ్రమ అంతటా భారీ అంచనాలు నెలకొన్నాయి. రాజమౌళి–మహేష్ బాబు కాంబినేషన్ నుంచి ఎలాంటి ప్రపంచస్థాయి విజువల్స్, కథనాలు, క్యారెక్టర్ ఆర్క్స్ అందుకుంటామో అనేది అభిమానులలో ఆసక్తి రగిలిస్తోంది. మరి రేపు సాయంత్రం జరగబోయే ఈవెంట్ ఈ అంచనాలను మరింత ఎత్తుకు తీసుకెళుతుందా అన్నది చూడాల్సిందే.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి