ఈ ప్రోగ్రామ్‌లో ఇందులోని ప్రధాన తారాగణం, సాంకేతిక నిపుణులు ఎవరెవరూ అనేది తెలియబోతోంది. అయితే ఏ నిర్మాత అయినా ఇలాంటి ఈ ఈవెంట్ ను భారీగా ఖర్చు పెట్టి చేసుకుంటారు. కానీ రాజమౌళి టీం అదే చేస్తున్నా ఆ ఖర్చు చేయ‌డం లేదు.. ఎదురు రాబ‌ట్టుకుంటోంది. ఈ ఈవెంట్‌కు ఓ మీడియం మూవీకి అయ్యేంతగా దాదాపు 30 కోట్ల రూపాయలను ఖర్చు చేస్తోంది. ఈ ఈవెంట్ ను జియో హాట్ స్టార్ లో లైవ్ ఇస్తున్నారు. ఇందుకోస‌మే హాట్ స్టార్ ఏకంగా రు. 50 కోట్ల మొత్తం చెల్లిస్తున్న‌ట్టు తెలుస్తోంది.
వరల్డ్ వైడ్ తన సినిమాకు ప్రచారం జరగడం ఒక ఎత్తు అయితే ... దాని ద్వారా ఏకంగా రు. 50 కోట్లు ఆదాయం పొందడం రాజమౌళి మాస్టర్ ప్లాన్ ఏ స్తాయిలో ఉందో అర్థం చేసుకోవ‌చ్చు. రాజమౌళి మాస్టర్ మైండ్ గురించి అవగాహన ఉంది కాబట్టే ప్రముఖ నిర్మాత కె.ఎల్. నారాయణ ఏకంగా రెండు ద‌శాబ్దాల పాటు వెయిట్ చేశారు. కేఎల్ నారాయణ రెండు ద‌శాబ్దాల నిరీక్ష‌ణ‌కు త‌గిన‌ట్టుగానే ఇప్పుడు భారీ ప్ర‌తిప‌లం ద‌క్కుతోంది. ఈ సినిమాను పాన్ ఇండియా స్థాయిలో కాకుండా పాన్ వరల్డ్ స్థాయిలో దీనిని రిలీజ్ చేసేలా ప‌క్కా ప్లానింగ్ జ‌రుగుతోంది.
దాదాపు వంద దేశాల్లో ఒకేసారి ఈ మూవీ రిలీజ్ కు ప్లాన్ చేస్తున్నారు. సహజంగా తన సినిమా పూర్తి అయ్యాకే రాజమౌళి ప్రచారం ప్రారంభిస్తారు. కానీ ఈ సారి ప్లాన్ మార్చేశారు. ఈ సినిమా రెండు .. మూడు షెడ్యూల్స్ పూర్తి కాగానే ఓ పెద్ద బ్యాంగ్ తో తన ప్ర‌చారానికి శ్రీకారం చుడుతున్నారు. ఇక రెండు భాగాలుగా ఈ సినిమా తెర‌కెక్కుతోంది. ఇక ఈ సినిమాను రాజమౌళి తన గ‌త సినిమాల లా కాకుండా .. ఈ సినిమా షూటింగ్ స్పీడ్‌గా పూర్తి చేసి రిలీజ్ చేసేలా ప్లానింగ్ న‌డుస్తోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి