1972 సంవత్సరంలో కృష్ణ గారు ఏకంగా 18 సినిమాలు విడుదల చేసి నందమూరి తారక రామారావు గారి రికార్డును బద్దలు కొట్టారు. సినీ వర్గాల్లో ఆయన ఏకంగా 22 సినిమాలు విడుదల చేశారని కూడా లెక్కలు చెబుతుంటాయి. ఈ సినిమాల్లో దాదాపు 10కి పైగా చిత్రాలు బాక్సాఫీస్ వద్ద బ్లాక్బస్టర్లుగా, సూపర్ హిట్లుగా నిలవడం విశేషం. 'పండంటి కాపురం' చిత్రానికి ఏకంగా జాతీయ పురస్కారం (National Film Award) దక్కింది.కృష్ణ గారు ఈ అసాధ్యాన్ని ఎలా సుసాధ్యం చేశారంటే.. దానికి ప్రధాన కారణం ఆయన క్రమశిక్షణ! ఆయన రోజుకు మూడు షిఫ్టుల్లో పనిచేసేవారట. ఉదయం ఒక సినిమా సెట్లో, మధ్యాహ్నం మరో చోట, రాత్రి సమయంలో మరో షూటింగ్లో పాల్గొనేవారు. తెల్లవారుజామున 2 గంటల వరకు కూడా ఆయన పని చేసేవారని, ఒక సెట్ నుంచి ప్యాకప్ అవ్వగానే, పరుగున మరో సినిమా లొకేషన్కు వెళ్లిపోయేవారని అప్పటి సినీ ప్రముఖులు చెబుతుంటారు. ఆ అవిశ్రాంత శ్రమ వల్లే ఆయన 'నటశేఖర'గా తెలుగు సినిమా గతిని మార్చగలిగారు.
రికార్డు స్థాయిలో సినిమాలు చేస్తూనే.. కృష్ణ గారు సాంకేతికంగా తెలుగు సినిమాను అగ్రస్థానంలో నిలబెట్టారు. తెలుగులో మొట్టమొదటి జేమ్స్ బాండ్ తరహా చిత్రం 'గూఢచారి 116', తొలి కౌబాయ్ చిత్రం 'మోసగాళ్ళకు మోసగాడు', తొలి సినిమాస్కోప్ చిత్రం 'అల్లూరి సీతారామరాజు', తొలి 70mm చిత్రం 'సింహాసనం' వంటి విప్లవాత్మక అడుగులు వేసిన ఘనత సూపర్ స్టార్ కృష్ణకే దక్కుతుంది.ఒకే ఏడాదిలో 22 సినిమాలంటే మామూలు విషయం కాదు.. ఇది ఇండియన్ సినిమా చరిత్రకే ఒక మాస్ ఎపిక్!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి