సాయి ధరమ్ తేజ్ ఇటీవల తన కెరీర్పై పూర్తిగా ఫోకస్ పెట్టిన సంగతి తెలిసిందే. వరుసగా సినిమాలు చేస్తూ, పాత్రల ఎంపికలోనూ జాగ్రత్తలు తీసుకుంటున్నాడు. అదే సమయంలో వ్యక్తిగత జీవితంలోనూ సెటిల్ కావాలనే ఆలోచనకు వచ్చాడని అంటున్నారు. ముఖ్యంగా మెగా ఫ్యామిలీలో ఇటీవల జరిగిన శుభకార్యాల ప్రభావంతో, పెళ్లి నిర్ణయం మరింత త్వరగా తీసుకున్నాడనే అభిప్రాయాలు వ్యక్తమవుతున్నాయి.ఇక పెళ్లి సంబంధించి అమ్మాయి ఎవరు అనే విషయంలో మాత్రం ఇప్పటివరకు స్పష్టత లేదు. సినిమా ఇండస్ట్రీకి సంబంధించిన వ్యక్తినా, లేక పూర్తిగా బయటి వ్యక్తినా అనే అంశంపై అనేక ఊహాగానాలు వినిపిస్తున్నాయి. కొందరు ఇది లవ్ మ్యారేజ్ అని అంటుంటే, మరికొందరు కుటుంబ పెద్దలు చూసి కుదిర్చిన వివాహమని చెబుతున్నారు. అయితే ఈ విషయాలపై సాయి ధరమ్ తేజ్ గానీ, మెగా ఫ్యామిలీ సభ్యులు గానీ ఎలాంటి అధికారిక ప్రకటన చేయలేదు.
మెగా ఫ్యామిలీ అంటేనే సంబరాలు, వేడుకలు, అభిమానుల హడావుడి అన్న సంగతి తెలిసిందే. అలాంటి కుటుంబంలో మరో పెళ్లి అంటే అభిమానులకు అది పండుగతో సమానం. ఇప్పటికే సోషల్ మీడియాలో “మెగా ఫ్యామిలీలో మరో పెళ్లి బెల్స్” అంటూ ట్రెండ్స్ మొదలయ్యాయి. సాయి ధరమ్ తేజ్ పెళ్లి వార్త నిజమైతే, రాబోయే రోజుల్లో మెగా ఫ్యామిలీలో వేడుకలు మరింత ఘనంగా జరగడం ఖాయం.మొత్తానికి, మెగా వారసుడి రాకతో మొదలైన ఆనందాలు ఇక్కడితో ఆగేలా లేవు. సాయి ధరమ్ తేజ్ పెళ్లి వార్తలతో మెగా ఫ్యామిలీ మళ్లీ వార్తల్లో నిలుస్తోంది. త్వరలోనే ఈ విషయంపై అధికారిక ప్రకటన వస్తుందా? అభిమానుల ఊహాగానాలు నిజమవుతాయా? అన్నది చూడాలి అంటే, ఇంకొన్ని రోజులు వేచి చూడాల్సిందే.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి