ఇంకా ఈ షోలో ప్రత్యేక ఆకర్షణగా నిలుస్తోంది ప్రైజ్ మనీ . ప్రతి ఎపిసోడ్లో అద్భుతమైన ప్రదర్శన ఇచ్చిన ఒక కంటెస్టెంట్కు 4 లక్షల రూపాయల బహుమతి అందజేస్తారు. ఆ మొత్తం నేరుగా ఒక ప్రత్యేక ‘వాల్ట్’లో జమ అవుతుంది. ఇలా ప్రతి వారం గెలిచే మొత్తాలు చివరికి భారీ మొత్తంగా మారతాయి. అందుబాటులో ఉన్న సమాచారం ప్రకారం, ఫైనల్ సమయానికి ఆ వాల్ట్లో 75 లక్షల నుంచి 1 కోటి రూపాయల వరకు చేరే అవకాశం ఉంది. అంతిమంగా ‘ఆట’ టైటిల్ విన్నర్ ఆ వాల్ట్లో ఉన్న మొత్తం ప్రైజ్ మనీని సొంతం చేసుకుంటాడు. ఈ స్థాయి బహుమతి ఇప్పటి వరకు ఎలాంటి డ్యాన్స్ రియాలిటీ షోలో కూడా ఇవ్వలేదనే చెప్పాలి. సాధారణంగా పెద్ద రియాలిటీ షోలలో కూడా ఇంత భారీ మొత్తాన్ని ప్రకటించడం అరుదే. అందుకే ఈ షోపై ప్రేక్షకుల్లో మరింత ఆసక్తి పెరిగింది.
ప్రతి కంటెస్టెంట్ తమ ప్రతిభను నిరూపించుకోవడానికి శక్తివంచన లేకుండా శ్రమిస్తున్నారు. క్లాసికల్ నుంచి హిప్హాప్ వరకు, ఫోక్ నుంచి కాంటెంపరరీ వరకు విభిన్న శైలుల్లో అద్భుతమైన ప్రదర్శనలు ఇస్తున్నారు. జడ్జీలు కూడా ప్రతి ప్రదర్శనను విశ్లేషిస్తూ సాంకేతికంగా సూచనలు ఇస్తుండటం ఈ షోకు మరింత నాణ్యతను తీసుకొస్తోంది.ఇప్పటికే నాలుగు ఎపిసోడ్లలో కనిపించిన ప్రదర్శనలు చూస్తే, ఫైనల్ వరకు ఎవరు చేరతారు? ఆ భారీ ప్రైజ్ మనీని ఎవరు గెలుచుకుంటారు? అనే ఉత్కంఠ ప్రేక్షకుల్లో పెరుగుతోంది. ఒక్కో కంటెస్టెంట్ డ్యాన్స్ స్థాయి చూస్తే, విజేతను అంచనా వేయడం కష్టమే అనిపిస్తోంది.
మొత్తం మీద ‘ఆట’ కేవలం డ్యాన్స్ పోటీ మాత్రమే కాదు, ప్రతిభకు విలువ ఇచ్చే వేదికగా నిలుస్తోంది. భారీ బహుమతి, కఠినమైన పోటీ, అద్భుతమైన ప్రదర్శనలు అన్ని కలిసి ఈ షోను ప్రత్యేకంగా నిలబెడుతున్నాయి. ఇక చివరికి ఆ కోటి రూపాయల సమీప ప్రైజ్ మనీని అందుకునే అదృష్టవంతుడు ఎవరో చూడాలి. దీని గురించి ప్రేక్షకులు ఆసక్తిగా ఎదురుచూస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి