ఇప్పటికే రెండవ దశలో వ్యాప్తి చెందినది డెల్టా వేరియంట్ కంటే ఓమిక్రాన్ 5 రెట్లు ప్రమాదకారిగా ప్రపంచ ఆరోగ్య సంస్థ హెచ్చరించింది. ఇప్పుడు కరోనా వైరస్ కు సంబంధించి మరో వార్త కూడా హాట్ టాపిక్ గా మారిపోయింది. కరోనా వైరస్ బారిన ఒకసారి పడితే దాదాపు నెలలపాటు కూడా శరీరంలోని వివిధ భాగాలపై వైరస్ ప్రభావం చూపుతుంది అనే విషయం ఇటీవల శాస్త్రవేత్తలు నిర్వహించిన అధ్యయనంలో బయటపడింది. అమెరికాకు చెందిన నేషనల్ ఇన్స్టిట్యూట్ ఆఫ్ హెల్త్ ఆధ్వర్యంలో శాస్త్రవేత్తలు అధ్యయనం చేపట్టారు. కరోనా వైరస్ బారినపడి మృతి చెందిన 44 మంది మృతదేహాలపై రోజుల పాటు వరుసగా పరీక్షలు జరిపారు శాస్త్రవేత్తలు.
ఈ క్రమంలోనే కరోనా వైరస్ సోకినప్పటినుంచి ఏకంగా ఏడున్నర నెలలపాటు వైరస్ మానవ శరీరం లో ఉన్నట్లు గుర్తించారు శాస్త్రవేత్తలు. శరీరంలోని పలు అవయవాలు సహా మెదడులో కూడా వైరస్ ఆనవాళ్లు గుర్తించినట్లు శాస్త్రవేత్తలు చెబుతున్నారు. కేవలం భౌతిక లక్షణాలు ఉన్న వారిలో మాత్రమే కాదు లక్షణాలు లేని వారిలో కూడా కరోనా వైరస్ ఆనవాళ్లు బయటపడినట్లు శాస్త్రవేత్తలు చెప్పుకొచ్చారు. ఇలా దాదాపు దాదాపు కరోనా వైరస్ బారిన పడిన వారి శరీరంలో ఏడు నెలలపాటు వైరస్ అలాగే సజీవంగా ఉంటుంది అని అంటున్నారు శాస్త్రవేత్తలు .
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి