రవీంద్ర జడేజా లాంటి ఆల్ రౌండర్ మాకు ఉండి ఉంటే బాగుండేది అని ఇక ప్రతి జట్టు కూడా అసూయపడేలా అతని ప్రస్తానం కొనసాగుతూ ఉంటుంది అని చెప్పాలి. అయితే కేవలం అంతర్జాతీయ క్రికెట్ లోనే కాదు అటు ఐపీఎల్లో సైతం చెన్నై సూపర్ కింగ్స్ తరఫున ఎంతో అద్భుతమైన ప్రదర్శనలు చేస్తూ ఉంటాడు. ఇక ఈ ఏడాది ఐపీఎల్ సీజన్లోనూ ఇదే రీతిలో మంచి ప్రదర్శన చేస్తూ జట్టు విజయంలో కీలక పాత్ర వహిస్తూ ఉన్నాడు రవీంద్ర జడేజా. ఇకపోతే ఇటీవల సన్రైజర్స్ హైదరాబాద్ జట్టుతో జరిగిన మ్యాచ్ లో బౌలింగ్లో మంచి ప్రదర్శన చేసి మ్యాన్ ఆఫ్ ది మ్యాచ్ అవార్డును సొంతం చేసుకున్నాడు అన్న విషయం తెలిసిందే.
ఈ క్రమంలోనే ఈ ఐపిఎల్ సీజన్లో ఒక అరుదైన ఘనతను సాధించాడు జడేజా. ఇప్పుడు వరకు 2023 ఐపీఎల్ సీజన్లో 29 మ్యాచులు జరిగితే.. ఏ ఒక్క ప్లేయర్ కూడా రెండుసార్లు మ్యాన్ ఆఫ్ ది మ్యాచ్ అవార్డును అందుకోలేదు. కానీ ఈ ఘనతను ఇటీవల చెన్నై హైదరాబాద్ మధ్య జరిగిన మ్యాచ్ లో ఆల్ రౌండర్ జడేజా సాధించాడు. జడేజా ముంబై తో జరిగిన మ్యాచ్లో మ్యాన్ ఆఫ్ ది మ్యాచ్ గెలుచుకోగా ఇటీవల సన్రైజర్స్ తో జరిగిన మ్యాచ్ లో కూడా ఈ అవార్డు అందుకున్నాడు. సన్రైజర్స్ మ్యాచ్లో కేవలం 22 పరుగులు ఇచ్చి మూడు వికెట్లు పడగొట్టాడు.
