టీమిండియా లాంటి మేటి జట్టు ఇంగ్లాండుకు కనీస పోటీ ఇవ్వలేకపోవడం గమనార్హం. ఏకంగా ఇంగ్లాండ్ జట్టుకు పసికూన జట్లు ఇచ్చిన పోటీ కూడా టీమిండియా ఇవ్వలేక తేడాతో ఘోర ఓటమిని చవి చూసింది. అయితే ఈ ఓటమిని అటు భారత అభిమానులు మాత్రమే కాదు మాజీ ఆటగాళ్లు కూడా అస్సలు జీర్ణించుకోలేకపోతున్నారు అని చెప్పాలి. ఈ క్రమంలోనే టీమ్ ఇండియా ప్రదర్శన పై, ఇక జట్టులో ఉన్న ఆటగాళ్లపై కూడా తీవ్ర స్థాయిలో విమర్శలు చేస్తూ ఉండడం ప్రస్తుతం సంచలనంగా మారిపోయింది అని చెప్పాలి.
ఇదే విషయం పై స్పందించిన మాజీ ఆటగాడు వీరేంద్ర సెహ్వాగ్ షాకింగ్ కామెంట్స్ చేశాడు. భవిష్యత్తులో జరిగే టి20 ప్రపంచ కప్ లో టీమిండియా విజేతగా నిలవాలంటే జట్టు ప్రక్షాళన ఇప్పుడే మొదలు పెట్టాలి అంటూ వ్యాఖ్యానించాడు. కచ్చితంగా భారత జట్టులో మార్పులు ఉండాలని కోరుకుంటున్నాను.. కొంతమందిని మళ్ళీ జట్టులో చూడాలని అస్సలు అనుకోవడం లేదు. 2007 టీ20 ప్రపంచ కప్ ముందు కూడా భారత జట్టులో ఇదే పరిస్థితి. దిగ్గజ ఆటగాళ్లతో ఎక్కువమంది వరల్డ్ కప్ లో ఆడలేదు. జట్టు నిండా కుర్రాల్లే. వచ్చే ప్రపంచం నాటికల్లా టీమిండియా కూడా అలా కుర్రాళ్ళతో నింపాలి అంటూ వీరేంద్ర సెహ్వాగ్ అభిప్రాయం వ్యక్తం చేశాడు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి