కానీ ఊహించని రీతిలో అటు సెలెక్టర్లు మాత్రం రింకు సింగ్ విషయంలో కాస్త మొండిగానే వ్యవహరించారు. గత ఐపీఎల్ లో బాగా రానించి ఆ తర్వాత టీమ్ ఇండియా తరపున కూడా మెరుపు ఇన్నింగ్స్ లు ఆడి ఆకట్టుకున్న రింకు సింగ్ ఇక ఇప్పుడు ఐపీఎల్ లో కూడా అదరగొడుతున్నారు. దీంతో అతనికి తప్పకుండా జట్టులో చోటు దక్కుతుందని అందరూ అనుకున్నారు. అయితే ఊహించని రీతిలో కేవలం రిజర్వ్డ్ ప్లేయర్ల లిస్టులో అతని చేర్చారు సెలక్టర్లు. ఇక ఈ విషయంపై ఇప్పటికే ఎంతో మంది మాజీ క్రికెటర్లు కూడా తీవ్ర అసంతృప్తి వ్యక్తం చేస్తున్నారు అన్న విషయం తెలిసిందే. ఇక ఇప్పుడు రింకు వరల్డ్ కప్ కి ఎంపిక కాకపోవడం పై అతని తల్లిదండ్రులు కూడా స్పందించారు.
టి20 వరల్డ్ కప్ లో రింకు చోటు దక్కకపోవడంతో అతని తల్లిదండ్రులు తీవ్ర నిరాశకు గురి అయ్యారు. తుది జట్టులో కొడుకుకి చోటు ఖాయం అనుకుని వారు టీం ప్రకటించిన వెంటనే సంబరాలు చేసుకునేందుకు క్రాకర్స్ కూడా తెచ్చి పెట్టుకున్నారు. ఇక ఆ తర్వాత వరల్డ్ కప్ కి ఎంపిక చేసిన జట్టులో తాను లేనని.. రింకు సింగ్ తల్లికి ఫోన్ చేసి చెప్పడంతో మా గుండె బద్దలైంది అంటూ చెప్పుకొచ్చాడు రింకు సింగ్ తండ్రి ఖాన్ చంద్ర. అయితే ఈనెల 25 వరకు జట్టులో మార్పులు చేర్పులు చేసే అవకాశం ఉండడంతో.. రింకు కి వరల్డ్ కప్ జట్టులో ఛాన్స్ దొరికే అవకాశం ఉంది అని అందరూ అభిప్రాయపడుతున్నారు. ఏం జరుగుతుందో చూడాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి