వస్తున్న సమాచారం ప్రకారం, మిగిలిన 16 మ్యాచ్‌లను దేశంలోని దక్షిణాది రాష్ట్రాల్లో నిర్వహించాలని బీసీసీఐ ప్లాన్ చేస్తున్నట్లు తెలుస్తోంది. ముఖ్యంగా మన బెంగళూరు, చెన్నై, హైదరాబాద్ నగరాలు పరిశీలనలో ఉన్నాయి. ఉద్రిక్త సరిహద్దులకు ఈ నగరాలు దూరంగా ఉండటం, ఆటగాళ్లు, అభిమానులకు ఇవి సురక్షితమైన ప్రాంతాలు కావడమే దీనికి కారణం. అయితే, ఈ ప్లాన్ కార్యరూపం దాల్చాలంటే కేంద్ర ప్రభుత్వం నుంచి పచ్చజెండా ఊపాల్సిందే.
ప్రస్తుతానికి ఐపీఎల్‌ను అధికారికంగా వారం రోజుల పాటు వాయిదా వేశారు. కానీ ఇది కేవలం తాత్కాలిక విరామమేనని, వారం తర్వాత టోర్నీని మళ్లీ మొదలుపెట్టడం కష్టమేనని ఫ్రాంచైజీ ఓనర్లకు బీసీసీఐ అనధికారికంగా చెప్పినట్లు గుసగుసలు వినిపిస్తున్నాయి. దీంతో మ్యాచ్‌లు మరింత ఆలస్యమై, బహుశా ఈ ఏడాది చివరి వరకు కూడా వాయిదా పడొచ్చనే ఊహాగానాలు జోరందుకున్నాయి.
ఇంకో పెద్ద తలనొప్పి విదేశీ ఆటగాళ్ల లభ్యత. చాలా మంది ఓవర్సీస్ ప్లేయర్లు, సపోర్ట్ స్టాఫ్ ఇప్పటికే వాళ్ల సొంత దేశాలకు చెక్కేశారు. వాళ్లకు వేరే కమిట్‌మెంట్లు కూడా ఉన్నాయి. ఉదాహరణకు, ఆస్ట్రేలియా, సౌత్ ఆఫ్రికా ప్లేయర్లు జూన్ 11 నుంచి మొదలయ్యే టెస్ట్ ఛాంపియన్‌షిప్ కోసం రెడీ అవుతున్నారు. ఈ అంతర్జాతీయ మ్యాచ్‌ల వల్ల, ఐపీఎల్ మళ్లీ మొదలైనా చాలా మంది ఫారిన్ ప్లేయర్స్ తిరిగి వచ్చేది డౌటే.
ఒక్క మాటలో చెప్పాలంటే, ప్రభుత్వం ఓకే అంటే ఐపీఎల్ 2025 మిగిలిన మ్యాచ్‌లు సౌత్ ఇండియాలో జరగొచ్చు. కానీ, టోర్నీ మరింత ఆలస్యమయ్యే ఛాన్సులే ఎక్కువగా కనిపిస్తున్నాయి. ఫారిన్ ప్లేయర్స్ మళ్లీ వస్తారన్న నమ్మకం కూడా తక్కువే. సో, ఫ్యాన్స్ మిగిలిన మ్యాచ్‌ల కోసం ఇంకొంత కాలం ఆగాల్సిందేనేమో. చూద్దాం ఏం జరుగుతుందో.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి