ಕೆಜಿಎಫ್, ಕನ್ನಡದ ಚಿತ್ರ ರಾಷ್ಟ್ರ ಅಂತರರಾಷ್ಟ್ರೀಯ ಮಟ್ಟದಲ್ಲಿ ಮಿಂಚಿ ಪಾರ್ಟ್ 2 ಗಾಗಿ ಎದುರು ನೋಡುತ್ತಿರುವಾಗಲೇ ಚಿತ್ರೀಕರಣ ಭರದಿಂದ ಸಾಗುತ್ತಿದ್ದು, ಮೊನ್ ಮೊನ್ನೆ , 20 ವರ್ಷದ ನಂತರ ಕೆಜಿಎಫ್ ಸಿನಿಮಾಕ್ಕಾಗಿ ಮೈಸೂರು ಫ್ಲೈಟ್ ಹತ್ತಿದ್ರು ರವೀನಾ ಟಂಡನ್. ಆದ್ರೆ ಮೊನ್ನೆ ಬಂದವರು ಆಗ್ಲೇ ಮುಂಬೈ ಫ್ಲೈಟ್ ಹತ್ತಿದ್ದಾರಂತೆ. ಹೌದು, ಯಾಕೆಂದರೆ,,, ಮುಂದೆ ಓದಿ...
ಕೆಜಿಎಫ್ ಚಾಪ್ಟರ್-2, ಭಾರತೀಯ ಸಿನಿ ಇತಿಹಾಸದಲ್ಲೇ ಭಾರಿ ನಿರೀಕ್ಷೆಯನ್ನು ಹುಟ್ಟು ಹಾಕಿದೆ. ಈಗಾಗಲೇ ಅಭಿಮಾನಿಗಳು ಸಾವಿರ ಕಣ್ಣುಗಳಿಂದ ಎದುರು ನೋಡುತ್ತಿದ್ದಾರೆ. ಆದ್ದರಿಂದಲೇ ಪ್ರಸ್ತುತ ಚಾಪ್ಟರ್ 2 ಅತಿ ಜಾಗರೂಕತೆಯಿಂದ ಸಿನಿಮಾದ ಶೂಟಿಂಗ್ ಮಾಡುತ್ತಿದ್ದಾರೆ ನಿರ್ದೇಶಕ ಪ್ರಶಾಂತ್ ನೀಲ್. ಆದ್ರೂ ಆವಾಗೊಂದು ಇವಾಗೊಂದು ಸಣ್ಣ ಪುಟ್ಟ ಸ್ವೀಟ್ ಆಂಡ್ ಸ್ಪೈಸಿ ನ್ಯೂಸ್ ಕೊಡುತ್ತಾ ಬಂದಿದೆ ಹೊಂಬಾಳೆ ಫಿಲ್ಸ್ಂ. ಈಗ ಅದರಂತೆ ಕೆಜಿಎಫ್ ಬಳಗದಿಂದ ಹೊಸದೊಂದು ಸಮಾಚಾರ ಹೊರಬಂದಿದೆ. ಅದುವೆ ಕೆಜಿಎಫ್ ಸಿನಿಮಾದ ಪ್ರಧಾನಿ ರಮಿಕಾ ಸೇನ್ ಪಾತ್ರಧಾರಿಯ ವಿಚಾರ.
ರಮೀಕಾ ಸೇನ್ ಅನ್ನೋ ಪಾತ್ರವನ್ನು ಕೆಜಿಎಫ್ ಸಿನಿಮಾದಲ್ಲಿ ಪ್ರಶಾಂತ್ ನೀಲ್ ಸೃಷ್ಟಿಸಿದ್ದಾರೆ. ಮೊದಲ ಭಾಗದಲ್ಲಿ ಅಷ್ಟಾಗಿ ಆ ಪಾತ್ರ ಕಾಣಿಸದಿದ್ರು ಎರಡನೇ ಭಾಗದಲ್ಲಿ ಸ್ಪಷ್ಟವಾಗಿ ರಮಿಕಾ ಸೇನ್ ಪಾತ್ರ ಕಾಣಿಸಿಕೊಳ್ಳುವ ಸಾಧ್ಯತೆ ಇದೆ. ಅದಕ್ಕಾಗಿಯೇ ಬಾಲಿವುಡ್ ನ ಬೆಡಗಿ ರವೀನಾ ಟಂಡನ್ ಬಾಂಬೆಯಿಂದ ಮೈಸೂರಿನ ತನಕ ಬಂದಿದ್ದಾರೆ. ಆದ್ರೆ ಬಂದಷ್ಟೇ ವೇಗವಾಗಿ ವಾಪಸ್ ಮುಂಬೈಗೆ ಹಾರಿದ್ದಾರೆ ರವೀನಾ. ರಮಿಕಾ ಸೇನ್ ಪಾತ್ರಕ್ಕಾಗಿ ಕೆಜಿಎಫ್ ಸಿನಿಮಾ ತಂಡದ ಬುಲಾವಿನ ಮೇರೆಗೆ 20 ವರ್ಷದ ನಂತರ ಸ್ಯಾಂಡಲ್ ವುಡ್ಗೆ ಬಲಗಾಲಿಟ್ಟಿದ್ರು ರವೀನಾ ಟಂಡನ್. ಮೊನ್ ಮೊನ್ನೆ ಶೂಟಿಂಗ್ಗಾಗಿ ಕೆಜಿಎಫ್ಗೆ ಬಂದವರು ಈಗ ವಾಪಸ್ ಹೊರಟ್ಟಿದ್ದಾರೆ. ಅದೂ ತನ್ನ ಭಾಗದ ಪೂರ್ತಿ ಕೆಲಸ ಮುಗಿಸಿಕೊಂಡು.
ಕೆಜಿಎಫ್ ಸಿನಿಮಾದ ಶೂಟಿಂಗ್ ಮುಗಿದಿರುವ ಬಗ್ಗೆ ಮತ್ತು ಶೂಟಿಂಗ್ ಅನುಭವದ ಬಗ್ಗೆ ಇನ್ ಸ್ಟಾಗ್ರಾಂನಲ್ಲಿ ಬರೆದುಕೊಂಡಿದ್ದಾರೆ ರವೀನಾ ಟಂಡನ್. ಕೆಜಿಎಫ್ ಚಾಪ್ಟರ್-2 ಸಿನಿಮಾ ಶೂಟಿಂಗ್ ಪ್ರಗತಿಯಲ್ಲಿದ್ದು, ಅದಷ್ಟು ಏಪ್ರಿಲ್ ಅಥವಾ ಮೇ ಹೊತ್ತಿಗೆ ತೆರೆಗಪ್ಪಳಿಸಲಿದೆ.
