'പ്രഭാസ്' നായകനായി അണിയറയിലൊരുങ്ങുന്നത് എട്ട് ബിഗ് ബജറ്റ് സിനിമകൾ! താരത്തിനായി അണിയറയിലൊരുങ്ങുന്നത് ബിഗ് ബജറ്റ് ചിത്രങ്ങൾ മാത്രം. ബോളിവുഡ് സൂപ്പർ സ്റ്റാറുകൾ പോലും വിജയ പരജായത്തിൻ്റെ ഫോർമുല കിട്ടാതെ വട്ടം തിരിയുമ്പോഴാണ് പ്രഭാസിൻ്റെതായി ചിത്രീകരണം പൂർത്തിയാക്കിയതും പുരോഗമിക്കുന്നതും അനൗൺസ് ചെയ്തതുമായ ബിഗ് ബജറ്റ് ചിത്രങ്ങൾ ഒരുങ്ങുന്നത്. ഇന്ത്യൻ സിനിമയിലെ തന്നെ ഹിറ്റ്മേക്കേഴ്സാണ് പ്രഭാസിനെ നായകനാക്കി വമ്പൻ പ്രോജക്ടുകളുമായിഎത്തുന്നതും. ബാഹുബലിയിലൂടെ പാൻ്‍ ഇന്ത്യൻ ആക്ടറായി മാറിയ പ്രഭാസിനെ ഇനി പിടിച്ചാൽ കിട്ടില്ല. ബാഹുബലിയ്ക്കു ശേഷം താരത്തിൻ്റെതായി എത്തിയ ബിഗ് ബജറ്റ് ചിത്രങ്ങളായിരുന്നു സാഹോയും രാധേ ശ്യാമും. സാഹോ ആവറേജ് വിജയമെങ്കിലും നേടിയപ്പോൾ രാധേ ശ്യാം അട്ടർ ഫ്ളോപ്പായിരുന്നു. ഇതിനു പിന്നാലെയാണ് ബോളിവുഡ് ചിത്രം ആദിപുരുഷൻ്റെ ട്രെയിലറിൻ്റെ കടന്നുവരവ്.
വലിയ രീതിയിൽ ആദിപുരുഷൻ്റെ ട്രെയിലർ വിമർശനം നേരിട്ടതോടെ റിലീസ് പോസ്റ്റ്പോണ്ട് ചെയ്യുകയായിരുന്നു. ബാഹുബലിയോടെ തെലുങ്ക് സൂപ്പർ സ്റ്റാർ എന്ന താരപദവിയിൽ നിന്നും താരം ബോളിവുഡിലേക്കും പ്രഭാസിന് നിറയെ അവസരങ്ങളാണ് തുറന്നു ലഭിച്ചത്. ഇതോടെയാണ് പരാജയങ്ങളുടെ കണക്കുകൾക്ക് അപ്പുറം താരത്തിനുള്ള സ്വീകാര്യത മാർക്കറ്റ് ചെയ്യാൻ ബിഗ് ബജറ്റ് ചിത്രങ്ങൾ തയാറാകുന്നത്. പ്രഭാസിൻ്റെതായി ഇനി തിയറ്ററിലെത്തുന്നത് ബോളിവുഡ് ചിത്രം ആദിപുരുഷാണ്. രാമായണ കഥയെ ആസ്പദമാക്കി ഓം റൗത്ത് ഒരുക്കുന്ന ആദിപുരുഷ് ജൂൺ 16-ന് ആഗോളതലത്തിൽ റിലീസ് ചെയ്യും. ത്രീഡി ഫോർമാറ്റിലൊരുക്കുന്ന ചിത്രത്തിൽ ശ്രീരാമനായാണ് പ്രഭാസ് എത്തുന്നത്. നായിക കൃതി സനോനാണ്. രാവണനായി വേഷമിടുന്നത് ബോളിവുഡ് താരം സെയ്ഫ് അലിഖാനാണ്.
സാഹോയ്ക്കും രാധേ ശ്യാമിനും ശേഷം നിർമാതാവായ ഭൂഷൺ കുമാറുമായുള്ള പ്രഭാസിൻ്റെ മൂന്നാമത്തെ പ്രോജക്ടാണ് ആദിപുരുഷ്. പുതിയ കണക്കുകൾ പ്രകാരം ഏകദേശം 2200 കോടിക്ക് മുകളിൽ ബഡ്ജറ്റ് വരുന്ന എട്ടു ചിത്രങ്ങളാണ് പ്രഭാസ് നായകനായി അടുത്ത നാലു വർഷത്തേക്ക് എത്തുന്നത്. ഇത്രയും ബിഗ് ബജറ്റ് ചിത്രങ്ങൾ ബോളിവുഡിലെ സൂപ്പർ സ്റ്റാറുകളായ ഖാന്മാർക്കു പോലുമില്ല. എട്ടു ചിത്രങ്ങളിൽ നിന്നായി 850 കോടിയാണ് പ്രതിഫലമായി പ്രഭാസിനു ലഭിക്കുന്നത്. ഇത്രയും ഉയർന്ന പ്രതിഭലം ലഭിക്കുന്ന മറ്റൊരു താരം ഇന്ന് ഇന്ത്യൻ സിനിമയിലുമില്ല. ഇന്ത്യൻ സിനിമയിൽ ഏറ്റവും തിരക്കുള്ള താരവും ലോകത്തു തന്നെ ഏറ്റവുമധികം പ്രതിഫലം വാങ്ങിക്കുന്ന നടന്മാരിലേക്കുമാണ് പ്രഭാസിൻ്റെ വളർച്ച.കെജിഎഫിലൂടെ സംവിധായകരിൽ സൂപ്പർ സ്റ്റാർ പദവവി നേടിയ കന്നട സംവിധായകൻ പ്രശാന്ത് നീൽ സംവിധാനം ചെയ്യുന്ന സലാറാണ് മറ്റൊരു ബിഗ് ബജറ്റ് ചിത്രം.
കെജിഎഫിൻ്റെ സംവിധായകനും ബാഹുബലി നായകൻ പ്രഭാസും ഒന്നിക്കുമ്പോൽ കെജിഎഫിന് അപ്പുറം മറ്റൊരു മാസ് ആക്ഷൻ ത്രില്ലറായിട്ടാണ് ചിത്രം ഒരുക്കുന്നത്. ശ്രുതി ഹാസൻ നായികയാകുന്ന ചിത്രത്തിൽ മലയാളി താരം പൃഥ്വിരാജും പ്രധാന കഥാപാത്രമായി എത്തുന്നുണ്ട്. ഷൂട്ടിംഗ് പൂർത്തിയാക്കിയ ചിത്രം 2023 സെപ്റ്റംബർ 28 നാണ് റിലീസ് പ്ലാൻ ചെയ്തിരിക്കുന്നത്. ചിത്രത്തിൽ അധോലോക നായകനാണ് പ്രഭാസ് എത്തുന്നത്. കെജിഎഫ് പോലെ രണ്ട് ഭാഗമായാണ് സലാറും ഒരുക്കുന്നത്. മാരുതി സംവിധാനം ചെയ്യുന്ന രാജ ഡിലക്സാണ് പ്രഭാസിൻ്റെ മറ്റൊരു ചിത്രം. പഴയ തിയറ്റർ ഉടമസ്ഥനായും പ്രേതമായും ഇരട്ടവേഷത്തിലാണ് ചിത്രത്തിൽ പ്രഭാസ് അഭിനയിക്കുന്നത്. മലയാളി താരം മാളവിക മോഹനൻ ചിത്രത്തിലെ നായികയാകുമെന്നാണ് ഫസ്റ്റ് റിപ്പോർട്ട്. ദീപികാ പദുക്കോൺ, അമിതാഭ് ബച്ചൻ, ദിഷാ പടാനി തുടങ്ങിയവർക്കൊപ്പം പ്രഭാസ് ആദ്യമായി ഒന്നിക്കുന്ന അഭിനയിക്കുന്ന മൾട്ടീസ്റ്റാർ ബിഗ് ബജറ്റ് ചിത്രം പ്രോജക്ട് കെയുടെ ഷൂട്ടിംഗാണ് ഇപ്പോൾ പുരോഗമിക്കുന്നത്.
Find out more:
click and follow Indiaherald WhatsApp channel