"సలార్" మూవీని అప్పుడు విడుదల చేయనున్నారా..?

రెబల్ స్టార్ ప్రభాస్ తాజాగా సలార్ అనే భారీ యాక్షన్ ఎంటర్టైనర్ మూవీ లో హీరో గా నటించిన విషయం మన అందరికీ తెలిసిందే. ఈ మూవీ లో ప్రభాస్ సరసన మోస్ట్ బ్యూటిఫుల్ నటిమని శృతి హాసన్ హీరోయిన్ గా నటిస్తూ ఉండగా ... "కే జి ఎఫ్" సిరీస్ మూవీ లతో ఇండియా వ్యాప్తంగా సూపర్ క్రేజ్ ను సంపాదించుకున్న ప్రశాంత్ నీల్ ఈ మూవీ కి దర్శకత్వం వహిస్తున్నాడు. రవి బుశ్రుర్ ఈ సినిమాకు సంగీతం అందిస్తూ ఉండగా ... జగపతి బాబు , పృథ్వీరాజ్ సుకుమారన్ ఈ మూవీ లో విలన్ పాత్రలలో కనిపించబోతున్నారు. ఇకపోతే ఈ మూవీ మొత్తం గా రెండు భాగాలుగా ప్రేక్షకుల ముందుకు రానుంది.

అందులో మొదటి భాగాన్ని కొన్ని రోజుల క్రితం ఈ చిత్ర బృందం సెప్టెంబర్ 28 వ తేదీన విడుదల చేయనున్నట్లు అధికారికంగా ప్రకటించింది. ఈ మూవీ విడుదల తేదీ దగ్గర పడిన సమయం లో ఈ మూవీ మేకర్స్ ఈ సినిమాను సెప్టెంబర్ 28 వ తేదీన విడుదల చేయడం లేదు అని ప్రకటించారు. కాకపోతే ఇప్పటి వరకు ఈ మూవీ మేకర్స్ ఈ సినిమాను ఏ తేదీన విడుదల చేయబోతున్నారు అనే విషయాన్ని మాత్రం అధికారికంగా ప్రకటించలేదు. దానితో రోజుకో వార్త ఈ మూవీ విడుదలపై పుట్టుకస్తుంది.

ఇకపోతే తాజాగా ఈ మూవీ విడుదలకు సంబంధించిన ఓ క్రేజీ న్యూస్ సోషల్ మీడియాలో వైరల్ అవుతుంది. ఈ మూవీ ని ఈ చిత్ర బృందం వచ్చే సంవత్సరం మార్చి నెలలో విడుదల చేయడానికి సన్నాహాలు చేస్తున్నట్లు ... అందుకు సంబంధించిన అధికారిక ప్రకటనను కూడా మరికొన్ని రోజుల్లోనే ఈ మూవీ బృందం వారు విడుదల చేయబోతున్నట్లు ఓ వార్త వైరల్ అవుతుంది. ఇకపోతే ఈ మూవీ పై ఇండియా వ్యాప్తంగా సినీ ప్రేమికుల్లో భారీ అంచనాలు నెలకొని ఉన్నాయి.

మరింత సమాచారం తెలుసుకోండి:

Pulgam Srinivas

21/09/2023 08:45 AM