ఈ ఆసక్తికరమైన విషయాన్ని స్వయంగా మురళీ మోహన్ ఒక ఇంటర్వ్యూలో వెల్లడించారు. ఆయన చెప్పిన వివరాల ప్రకారం — ఇది శ్రీదేవి కెరీర్ ప్రారంభ దశలో జరిగిన సంఘటన. ఆ సమయంలో శ్రీదేవి చాలా చిన్న వయస్సులో ఉంది, ఇండస్ట్రీలో కొత్తగా అడుగుపెడుతుండగా, మురళీ మోహన్ అప్పటికే 1970–80 దశకాల్లో స్టార్ హీరోగా ఉన్నారు. శ్రీదేవి అందం, ప్రతిభ చూసి ఆమె తల్లి రాజేశ్వరి గారు, “నా కూతురి భవిష్యత్తు సేఫ్‌గా ఉండాలంటే ఇలాంటి స్థిరమైన వ్యక్తినే అల్లుడిగా చేసుకోవాలి” అని ఆలోచించి, స్వయంగా శ్రీదేవిని వెంటబెట్టుకొని మురళీ మోహన్ ఇంటికే వెళ్లి పెళ్లి మాటలు మొదలుపెట్టారని చెబుతారు.
కానీ ఆమె ఆశలు ఎక్కువసేపు నిలువలేదు. ఎందుకంటే ఆ సమయంలో మురళీ మోహన్ ఇప్పటికే వివాహితుడు, ఇద్దరు పిల్లల తండ్రి అనే విషయం రాజేశ్వరి గారికి తెలిసింది. ఆ నిజం తెలిసిన వెంటనే ఆమె వెంటనే ఆ ప్రపోజల్‌ను వెనక్కి తీసుకుని ఆ విషయాన్ని ఇకముందు ప్రస్తావించలేదట.ఇది చాలా కొద్దిమందికి మాత్రమే తెలిసిన ఇండస్ట్రీ సీక్రెట్‌గా చాలా ఏళ్ల పాటు దాగింది. అయితే మురళీ మోహనే స్వయంగా ఒక ఇంటర్వ్యూలో ఈ విషయం బయటపెట్టడంతో ఈ కథ ఇప్పుడు అందరికీ తెలిసింది.
ఇదే అల్లుడి వేట ఇక్కడితో ఆగలేదు. రాజేశ్వరి గారు తన కూతురి కోసం మరో ప్రముఖ నటుడిని కూడా ఆలోచించారు. ఆయన మరెవరో కాదు — లోకనాయకుడు కమల్ హాసన్.కమల్ హాసన్–శ్రీదేవి జోడీ అప్పట్లో దక్షిణ భారత సినిమాల్లో అత్యంత పాపులర్ ఆన్-స్క్రీన్ జంట. పలు చిత్రాల్లో వీరి కెమిస్ట్రీ ప్రేక్షకులను మంత్రముగ్ధులను చేసింది. ఈ జంటను చూసి రాజేశ్వరి గారికి కూడా కమల్ - శ్రీదేవికి సరైన జోడీ అని అనిపించిందట.దాంతో ఆమె కమల్ హాసన్‌ను కూడా సంప్రదించి పెళ్లి గురించి మాట్లాడారని కమల్ స్వయంగా ఒక ఇంటర్వ్యూలో చెప్పాడు. అయితే కమల్ మాత్రం, “శ్రీదేవి నాకు ఎప్పుడూ చెల్లెలు లాంటిదే. ఆమెపై నాకు ఉన్నది గౌరవం, స్నేహం మాత్రమే” అని చెప్పి ఆ ప్రపోజల్‌ను సున్నితంగా తిరస్కరించాడట.
ఆమె జీవితంలో నిజమైన మలుపు వచ్చింది మిస్టర్ ఇండియా సినిమా సమయంలో. ఆ సినిమాకి నిర్మాత బోనీ కపూర్, అదే సమయంలో ఆమెపై ప్రేమలో పడ్డారు. కానీ అప్పట్లో శ్రీదేవి పెద్ద స్టార్‌గా ఉండటంతో ఇద్దరి మధ్య సంబంధం బయటకు రాలేదు. అయితే సంవత్సరాల తరువాత, 1996లో ఈ జంట జీవితాలను ఒక్కటిగా చేసుకున్నారు. ఆ తర్వాత వీరి దాంపత్య జీవితం ఫిల్మ్ ఇండస్ట్రీలో అత్యంత చర్చనీయాంశంగా మారింది. వీరికి ఇద్దరు కుమార్తెలు — జాన్వీ కపూర్, ఖుషీ కపూర్. ఇప్పుడీ ఇద్దరూ తమ తల్లి వారసత్వాన్ని కొనసాగిస్తూ బాలీవుడ్‌లో రాణిస్తున్నారు. జాన్వీ ఇప్పటికే స్టార్ హీరోయిన్‌గా ఎదిగితే, ఖుషీ కూడా ఇప్పుడు సినిమాల్లో అడుగుపెడుతోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి