ఈ కొత్త సినిమాను కూడా ప్రముఖ నిర్మాణ సంస్థ మైత్రీ మూవీ మేకర్స్ భారీ బడ్జెట్‌తో నిర్మించబోతోంది. మెగాస్టార్ ఇమేజ్‌కు సరిపోయేలా ఒక పక్కా యాక్షన్ ఎంటర్‌టైనర్ కథను బాబీ ప్రత్యేకంగా సిద్ధం చేశాడని టాలీవుడ్ వర్గాలు చెబుతున్నాయి. చిరంజీవి మాస్ అప్పీల్, బాబీ స్టైల్ మేకింగ్ — ఈ రెండూ కలిసినప్పుడు పెద్ద హిట్ వస్తుందనే నమ్మకం టీంలో బలంగా కనిపిస్తోంది.ఈ ప్రాజెక్ట్ కోసం మొదటగా సినిమాటోగ్రాఫర్‌గా కార్తీక్ ఘట్టమనేనిను ఎంపిక చేశారు. ఇటీవల ఆయన తెరకెక్కించిన ‘మిరాయ్’ సినిమా ఘన విజయం సాధించి, యువ దర్శకుడిగా ఆయనకు భారీ క్రేజ్ రావడంతో బాబీ–చిరు టీం అతనిని కెమెరా విభాగానికి తీసుకోవాలని నిర్ణయించింది. కార్తీక్ కూడా అదే జోష్‌తో ఈ భారీ ప్రాజెక్ట్‌లో భాగం కావడానికి సిద్ధమయ్యాడు.
అయితే అనుకోని కారణాల వల్ల కార్తీక్ ఘట్టమనేని ఇప్పుడు ఈ సినిమా నుంచి తప్పుకున్నారు. ఆయన స్థానంలో ప్రముఖ సినిమాటోగ్రాఫర్ నిమిష్ రవిను తీసుకుంటున్నట్టు యూనిట్ అధికారికంగా ప్రకటించింది. ఇటీవల విడుదలైన ‘లోక’ చిత్రానికి నిమిష్ రవి డీవోపీగా పనిచేశారు. అదేవిధంగా ప్రస్తుతం షూటింగ్ జరుగుతున్న సూర్య 46 చిత్రానికి కూడా ఆయనే సినిమాటోగ్రఫీ బాధ్యతలు నిర్వర్తిస్తున్నారు. టెక్నికల్ ప్యానెల్‌లో మంచి నైపుణ్యం కలిగిన నిమిష్ రవికి ఇప్పుడు చిరంజీవి సినిమా వంటి భారీ ప్రాజెక్ట్ అఫర్ రావడం ఆయన కెరీర్‌లో మరో మైలురాయిగా మారనుంది. కానీ సినిమాటోగ్రాఫర్ మార్పుల కారణంగా షూటింగ్ కొంతకాలం ఆలస్యమైంది. ఇప్పుడు నిమిష్ రవి టీంలో చేరడంతో ఆ అడ్డంకులు తొలగిపోయాయి. త్వరలోనే ఈ సినిమా గ్రాండ్‌గా సెట్స్‌పైకి వెళ్లేందుకు అన్ని ఏర్పాట్లు జరుగుతున్నాయి.
అయితే పరిశ్రమలో మాత్రం కార్తీక్ ఘట్టమనేని తప్పుకోవడానికి పలువురు వేర్వేరు కారణాలు చెబుతున్నారు. టీమ్‌తో వచ్చిన అభిప్రాయ భేదాలు, పని విధానంలో కలిగిన అసౌకర్యాలు వంటి అంశాల వల్లే ఆయన ప్రాజెక్ట్ నుండి నిష్క్రమించారని కొందరు గుసగుసలాడుతున్నారు. కానీ అధికారికంగా మాత్రం కారణాలు వెల్లడించలేదు.ఎన్నో అంచనాల నడుమ చిత్రీకరణకు సిద్ధమవుతున్న ఈ మెగాస్టార్–బాబీ సినిమా టాలీవుడ్‌లో మరో సంచలన హిట్‌గా నిలుస్తుందనే ఆశలు అభిమానుల్లో పెరిగిపోయాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి