ఈ నేపథ్యంలో చిత్ర యూనిట్ ప్రత్యేకంగా ప్రెస్ మీట్ నిర్వహించింది. అందులో పాల్గొన్న రానా దగ్గుబాటి, ఈ సినిమా కారణంగా తనపై చెన్నైలో మూడు పోలీస్ కేసులు నమోదు అయ్యాయని సంచలన ప్రకటన చేశారు. ఆయన చెప్పిన ఈ విషయమే ఇప్పుడు సినీ ఇండస్ట్రీలో పెద్ద చర్చగా మారింది.
రానా మాట్లాడుతూ—“ఈ సినిమాకు విలువలు చాలా బాగున్నాయని అనేక మంది ప్రశంసిస్తున్నారు. ప్రొడక్షన్ వాల్యూస్ టాప్ క్లాస్. ఆడియన్స్ నుండి వస్తున్న ఫీడ్బ్యాక్ అద్భుతంగా ఉంది. ముఖ్యంగా సినిమా మద్రాస్ నేపథ్యంతో సాగడం వల్ల అక్కడి ప్రేక్షకులు ఇంకా ఎక్కువగా కనెక్ట్ అయ్యారు. పెద్దగా అంచనాలు లేకుండా థియేటర్‌కి వెళ్లిన వాళ్లకూ సినిమా నచ్చింది. కానీ ఆశ్చర్యకరంగా, ఇదే సినిమా కారణంగా చెన్నైలో నా మీద మూడు కేసులు నమోదయ్యాయి” అని తెలిపారు. అయితే ఏ విషయంపై కేసులు పెట్టారన్న అసలు కారణం వెల్లడించకపోవడంతో, ఈ విషయం ప్రస్తుతం హాట్ టాపిక్గా మారింది. సోషల్ మీడియాలోనూ, సినీ వర్గాల్లోనూ రానా చెప్పిన ఈ విషయంపై ఊహాగానాలు మొదలయ్యాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి