మహేష్ బాబు, రాజమౌళి కాంబినేషన్‌లో వస్తున్న 'వారణాసి' చిత్రంపై ప్రేక్షకుల అంచనాలు ఆకాశాన్ని తాకుతున్నాయి. దాదాపుగా 1100 కోట్ల రూపాయల అత్యంత భారీ బడ్జెట్‌తో రూపుదిద్దుకుంటున్న ఈ సినిమా బాక్సాఫీస్ వద్ద ఎన్నో సంచలనాలకు కేంద్రబిందువు కావడం ఖాయమని సినీ వర్గాలు అంచనా వేస్తున్నాయి. ఈ క్రమంలో, 'వారణాసి' చిత్ర లోగోను నిశితంగా పరిశీలిస్తే కథనం గురించిన ఎన్నో రహస్యాలు తెలుస్తాయని నెటిజన్ల నుంచి విభిన్న అభిప్రాయాలు వ్యక్తమవుతున్నాయి.
లోగో మధ్యలో ఉన్న రేఖ బాణం రూపంలో కనిపిస్తుండటం అందరి దృష్టిని ఆకర్షిస్తోంది. రామాయణంలోని ఒక ముఖ్యమైన ఘట్టాన్ని ఈ విధంగా సింబాలిక్‌గా చెప్పారని విశ్లేషకులు భావిస్తున్నారు. లోగోలో ఎగురుతున్న జెండాలు వారణాసి, అయోధ్య దేవాలయాలపై ఎగిరే జెండాలను పోలి ఉన్నాయి. దీనిని బట్టి ఈ కథకు పౌరాణిక నేపథ్యం ఉందనే విషయం స్పష్టమవుతోంది. అయితే, బాణం లాంటి రేఖ గ్రహశకలం దూసుకొస్తున్నట్లుగా కూడా కనిపిస్తుండటంతో, కథలో సైన్స్ ఫిక్షన్ కాన్సెప్ట్ కూడా మిళితమై ఉంటుందని అభిమానులు అభిప్రాయపడుతున్నారు.
పురాణం, సైన్స్ ఫిక్షన్ల అద్భుతమైన కలయికతో ఈ చిత్రం రూపొందనుందని తెలుస్తోంది.మహేష్ బాబు పాత్ర చిత్రణ, ఆయన లుక్‌పై ఇప్పటికే అనేక ఊహాగానాలు వినిపిస్తున్నాయి. ఈ సినిమా ద్వారా భారతీయ సినిమా మరో అంతర్జాతీయ స్థాయికి చేరుకుంటుందని మేకర్స్ ధీమా వ్యక్తం చేస్తున్నారు. లోగోలో కనిపించిన ఇతర సంకేతాలు, శివుడి జటాజూటం, త్రిశూలం వంటివి హిందూ పురాణాలలోని అంశాలు కూడా ఈ కథకు మూలాలుగా ఉన్నాయని తెలుస్తోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి