కానీ ఇదిలా ఉండగా, పార్ట్–2 విషయంలో మాత్రం కొన్ని రూమర్స్ చాలా కాలంగా వినిపిస్తూనే ఉన్నాయి. కొద్దిరోజుల క్రితం “దేవర 2 నిలిచిపోయిందట”, “షూట్ ఆగిపోయిందట” అంటూ సోషల్ మీడియాలో పెద్ద ఎత్తున ప్రచారం జరగడంతో అభిమానులు కంగారు పడ్డారు. అయితే వెంటనే మేకర్స్ స్పందిస్తూ, అలాంటి వార్తల్లో ఏమాత్రం నిజం లేదని, దేవర పార్ట్–2పై పనులు ప్రణాళిక ప్రకారం కొనసాగుతున్నాయని స్పష్టత ఇచ్చారు. దీంతో అప్పట్లో ఒక్కసారిగా చెలరేగిన రూమర్స్ పూర్తిగా ఆగిపోయాయి.అయితే తాజాగా మళ్లీ ఇదే తరహా చర్చ మొదలైంది. ఈసారి కూడా ప్రధానంగా దేవర 2 గురించే ఇదే రూమర్ మళ్లీ వినిపించడం గమనార్హం. అంతేకాకుండా పవర్ స్టార్ పవన్ కళ్యాణ్ నటించిన భారీ పీరియాడిక్ యాక్షన్ డ్రామా ‘హరిహర వీరమల్లు’ కూడా ఇదే లిస్ట్‌లో చేరిపోయింది. ఈ రెండు సినిమాల సీక్వెల్ లు నిలిచిపోయాయట, స్కెచ్ మారిందట, ప్రాజెక్ట్స్ పూర్తవకపోవచ్చట అంటూ సోషల్ మీడియాలో వార్తలు హడావుడి చేస్తున్నాయి.
అయితే ఈ రూమర్స్‌లో ఎంతవరకు నిజం ఉందో ఇప్పుడే చెప్పడం కష్టం. రెండు సినిమాలు భారీ బడ్జెట్‌తో తెరకెక్కుతున్నందున కొంత టైమ్ తీసుకోవడం సహజం. కాబట్టి ఏ ప్రాజెక్ట్ నిజంగా ఆగిందో, ఏది ముందుకు సాగుతోందో తెలుసుకోవాలంటే అధికారిక సమాచారం వచ్చే వరకు వేచి చూడక తప్పదు. ఇదిలా ఉంటే, సోషల్ మీడియాలో మాత్రం మరో కోణంలో చర్చ నడుస్తోంది. గతంలో తారక్ ‘దేవర’కి సంబంధించిన రూమర్స్‌తో ఎలా ఇబ్బంది పడ్డాడో… ఇప్పుడు ఆ పరిస్థితినే పవన్ కళ్యాణ్ ‘హరిహర వీరమల్లు’ విషయంలో ఎదుర్కొంటున్నాడని నెటిజన్లు ఘాటుగా కౌంటర్స్ వేస్తున్నారు. ఈ రెండు ప్రాజెక్టుల భవిష్యత్తుపై స్పష్టత వచ్చే వరకు ఈ హడావుడి ఆగేలా లేదు. అభిమానులు మాత్రం అధికారిక అప్డేట్స్ కోసం ఆసక్తిగా ఎదురుచూస్తూనే ఉన్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి