ఇప్పటి వరకు పెద్ద మిస్టరీగా ఉన్న అంశం—రామాయణంలో కీలకమైన హనుమంతుడి ప్రేరణతో రూపొందించిన పాత్రను ఎవరు చేస్తున్నారు? అన్న ప్రశ్న. తాజా సమాచారం ప్రకారం, ఆ పాత్రకు ఆర్. మాధవన్ ఫైనల్ అయ్యారని ఇండస్ట్రీ వర్గాల్లో బలమైన టాక్ వినిపిస్తోంది. ఈ పాత్రలో హనుమంతుడి శక్తి, ఆధ్యాత్మికత, భక్తి, ధైర్యం వంటి లక్షణాలు ప్రధానంగా ఉంటాయని చెబుతున్నారు. మాధవన్‌తో కొన్ని కీలక సన్నివేశాలను ఇప్పటికే చిత్రీకరించినట్టుగా కూడా వార్తలు ఉన్నాయి. అయితే ఆయన ఈ పాత్రకు పూర్తిగా సూట్ అవుతారా? అన్న ప్రశ్నపై కూడా సోషల్ మీడియాలో కొన్ని చర్చలు నెలకొన్నాయి.
మరోవైపు, మహేష్ బాబు తండ్రి పాత్రకు ప్రారంభంలో నానా పటేకర్ను అనుకున్నప్పటికీ, ఆయన ఈ ప్రాజెక్ట్ నుండి వైదొలిగినట్లు తెలుస్తోంది. ప్రస్తుతం ఆ పాత్ర కోసం మరో సీనియర్ నటుడిని ఫైనలైజ్ చేసే పనులు జరుగుతున్నాయని సమాచారం. హీరోయిన్ పాత్రలో ప్రియాంక చోప్రా కనిపించనుండగా, అదనంగా ఒక అంతర్జాతీయ నటి కూడా సినిమాలో భాగమయ్యే అవకాశం ఉందని తెలుస్తోంది. రాజమౌళి తెరకెక్కిస్తున్నందున ఈ ప్రాజెక్ట్‌కి గ్లోబల్ స్కేల్‌లో భారీ విజువల్ ట్రీట్ ఉండబోతోందన్న నమ్మకం ప్రేక్షకుల్లో నెలకొంది. రీసెంట్ గా రిలీజ్ అయిన ఈ సినిమా గ్లింప్స్ అందరిని ఆకట్టుకుంది. అంతేకాదు ఈ సినిమా లో ఓ సర్ ప్రైజింగ్ క్యారెక్టర్ ఉందని..అది త్వరలోనే రివీల్ చేయబోతున్నారని టాక్. మొత్తానికి జక్కన్న అన్ని సీక్రేట్ సర్ ప్రైజ్ గా పెట్టేస్తున్నాడు అనేది మాత్రం వాస్తవం..?!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి