విడుదలైన కొన్ని రోజుల్లోనే ‘చికిరి చికిరి’ సాంగ్ 100 మిలియన్ల వ్యూస్ దాటేసి, చిత్రం క్రేజ్ ఏ రేంజ్‌లో ఉందో మరోసారి ప్రూవ్ చేసింది. ఈ సక్సెస్‌ని సెలబ్రేట్ చేస్తున్న సమయంలోనే టీమ్ తాజాగా ఈ పాట యొక్క మేకింగ్ వీడియోను కూడా విడుదల చేసింది. దీనితో సాంగ్ వెనుక ఉన్న అసలు కష్టాలు, డెడికేషన్, స్ట్రగుల్స్—అన్ని ఒక్కో ఫ్రేమ్‌లో కనిపించాయి.ఈ మేకింగ్ వీడియో విడుదల సందర్భంగా మెగా పవర్ స్టార్ రామ్ చరణ్ ప్రత్యేకంగా స్పందిస్తూ ఆసక్తికర వ్యాఖ్యలు చేశారు. తమ పాటకు ప్రేక్షకులు చూపుతున్న ప్రేమ చూసి ఎంతో ఎమోషనల్ అయ్యానని ఆయన తెలిపారు. ‘చికిరి చికిరి’ సాంగ్ 100 మిలియన్ వ్యూస్ దాటడం టీమ్‌కి ఎంతో పెద్ద ఎంకరేజ్ అని చెప్పారు. ప్రేమతో, సపోర్ట్‌తో తమను ముందుకు నడిపిస్తున్న ప్రేక్షకులకు హృదయపూర్వక కృతజ్ఞతలు తెలిపారు.
ఇది ఇంకా ప్రారంభమేనని, ముందుముందు ‘పెద్ది’ సినిమా నుంచి మరెన్నో పవర్‌ఫుల్ సాంగ్స్, మాస్ బీట్‌లు, ఫీలింగ్ మెలోడీలు వరుసగా రానున్నాయని రామ్ చరణ్ హింట్ ఇచ్చారు. దీంతో సినిమాపై అంచనాలు మరింత పెరిగిపోయాయి.సాంగ్ సక్సెస్, మేకింగ్ వీడియో, చరణ్ కామెంట్స్— కలిపి ప్రస్తుతం ‘పెద్ది’ సినిమాను సోషల్ మీడియా టాప్ ట్రెండింగ్‌లో నిలిపాయి. బుచ్చి బాబు దగ్గరున్న కంటెంట్ దమ్ముందనడానికి ఈ రెస్పాన్స్ చాలు అన్నట్లుగా ఉంది. సినిమాలు చేసే తీరు, ప్రతి సాంగ్‌లో పెట్టే కృషి—అన్నీ చూస్తుంటే ఈ సినిమా మాస్–ఫ్యామిలీ ఆడియన్స్ అందరికీ పక్కా బ్లాక్‌బస్టర్ ట్రీట్ ఇవ్వబోతోందనే నమ్మకం పెరిగిపోతోంది. బుచ్చి బాబు మామూలోడు కాదు అని అంతా మాట్లాడుకుంటున్నారు..!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి