అయితే తాజాగా ఈ చిత్రానికి సంబంధించిన ఆసక్తికరమైన సమాచారం బయటకు వచ్చింది. రెండు పాత్రల్లో ఒకటి నెగిటివ్ షేడ్స్‌తో కనిపించబోతోందట. ఈ పాత్ర పూర్తిగా విలన్ రోల్ కాదని, కానీ స్ట్రాంగ్ ఆట్టిట్యూడ్, శక్తివంతమైన యాక్షన్ వసూళ్లు ఉన్న పాత్ర అని టాలీవుడ్ వర్గాలు చెబుతున్నాయి. బాలయ్య ఇంతకుముందు కూడా గ్రే షేడ్స్ ఉన్న పాత్రల్లో కనిపించినప్పటికీ, ఈసారి ఆయనను చూపించే తీరు పూర్తిగా భిన్నంగా ఉండబోతోందని సమాచారం. ఇది నిజమయితే, బాలయ్య ఇలా నెగెటివ్ టోన్ ఉన్న పాత్ర చేయడానికి ముందుకు రావడం నందమూరి ఫ్యాన్స్‌ను ఎంతగానో ఆశ్చర్యపరుస్తూనే, మరింత ఎగ్జైట్ చేస్తోంది. ఎందుకంటే ఆయన ఎలాంటి పాత్ర చేసినా దానికి భారీ స్పందన వస్తుందని అందరికీ తెలిసిందే.
ఈ చిత్రంలో లేడీ సూపర్‌స్టార్ నయనతార కథానాయికగా నటిస్తున్నారు. చాలాకాలం తర్వాత బాలయ్య – నయనతార కాంబినేషన్‌లో సినిమా రావడం ప్రత్యేక ఆకర్షణగా మారింది. ఈ సినిమా కథ చారిత్రక నేపథ్యంతో సాగుతుందని, అందుకే భారీ బడ్జెట్ కేటాయించి నిర్మిస్తున్నారని సమాచారం. వృద్ధి సినిమాస్ ఈ ప్రాజెక్ట్‌ను ఎంతో ప్రతిష్టాత్మకంగా నిర్మిస్తుండగా, బాలకృష్ణ కుమార్తె తేజస్విని నందమూరి ఈ చిత్రాన్ని సమర్పిస్తున్నారు. దీంతో NBK111పై ఫ్యామిలీ నుండి కూడా పెద్ద స్థాయిలో దృష్టి .ఇంకా షూటింగ్ మొదలు కాని దశలోనే ఈ సినిమా చుట్టూ భారీ బజ్, అటెన్షన్, ఎక్స్‌పెక్టేషన్స్ నెలకొన్నాయి. బాలయ్య చేసే ప్రతి పాత్రనూ అభిమానులు పెద్దగా సెలబ్రేట్ చేస్తారు. అయితే ఈసారి ఆయన చేస్తున్న పాత్రల్లో ఒకటి నెగిటివ్ షేడ్స్‌లో ఉందనే వార్త మాత్రం చర్చనీయాంశంగా మారింది. ఇటువంటి పాత్రను బాలయ్య ఎలా ప్రెజెంట్ చేస్తారు..? ఆయన కొత్తగా ఏం చూపిస్తారు..? దర్శకుడు గోపీచంద్ మలినేని ఈ పాత్రను ఎంత పవర్‌ఫుల్‌గా తీర్చిదిద్దారు..? అన్న ప్రశ్నలు ఫ్యాన్స్‌లో కుతూహలం పెంచాయి.
మొత్తం మీద NBK111 ఇప్పుడే టాలీవుడ్‌లో అత్యంత హాట్ టాపిక్‌గా మారింది. అఖండ 2 రిలీజ్, కొత్త సినిమా షూటింగ్, మరియు అతిలోక సుందరి నయనతారతో బాలయ్య కాంబినేషన్ — ఇవన్నీ కలసి నందమూరి అభిమానుల్లో ఉత్సాహాన్ని మరింత పెంచాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి