‘అఖండ 2’ ప్రీ-రిలీజ్ ఈవెంట్ లో కూడా బాలయ్య అదే స్టైల్‌ని రిపీట్ చేశారు. బోయపాటి శ్రీను డైరెక్షన్ లో బాలయ్య నటించిన ఈ భారీ యాక్షన్ ఎంటర్‌టైనర్ కోసం ప్రేక్షకులు ఎంతగా ఎదురు చూస్తున్నారో అందరికీ తెలిసిందే. సంయుక్త హీరోయిన్గా నటించిన ఈ సినిమా మరికొద్ది రోజుల్లోనే థియేటర్లలో గ్రాండ్‌గా రిలీజ్ కానుంది. ఇప్పటికే వచ్చిన ప్రమోషనల్ కంటెంట్ చూసిన ప్రేక్షకులు ఇది ఖచ్చితంగా సూపర్ డూపర్ హిట్ అవుతుందని ధీమాగా చెబుతున్నారు. హైదరాబాద్‌లో జరిగిన ఈ గ్రాండ్ ఈవెంట్లో బాలయ్య స్టేజ్‌పైకి వచ్చి సినిమాలోని పాయింట్‌, పాత్రలు, బోయపాటి తీరు గురించి ఘనంగా మాట్లాడారు. స్పీచ్ ముగించుకొని “బై బై” చెబుతూనే తన స్టైల్‌లో మైక్‌ను ఫ్లిప్ చేయడానికి ట్రై చేశారు. కానీ ఈసారి కొంచెం మిస్ అయ్యింది. పక్కనే ఉన్న రామ్ అచంట వెంటనే పట్టుకునేందుకు ప్రయత్నించాడు. అయితే మైక్ ఒక్కసారిగా గాల్లో తిరగడంతో యాంకర్ ఉదయభాను కాస్త గుబులు పడిపోయింది. జస్ట్ మిస్ లేకపోతే అచ్చంట్ రామ్ తలకి తగిలేది. ఆమె రియాక్షన్ చూసి అక్కడ ఉన్నవాళ్లు నవ్వుల్లో మునిగిపోయారు.
ఈ ఫన్నీ మూమెంట్‌కు సంబంధించిన వీడియోలు, ఫోటోలు సోషల్ మీడియాలో ఇప్పుడు అంతటా వైరల్ అవుతున్నాయి. బాలయ్య మైక్ ఫ్లిప్ స్టైల్‌పై నందమూరి అభిమానులు తెగ మురిసిపోతుంటే, కొంతమంది నెట్టిజన్లు ఫన్నీ మీమ్స్ కూడా క్రియేట్ చేస్తున్నారు. “ఇదేం అభిమానం రా బాబోయ్!” అంటూ సరదాగా కామెంట్స్ పెడుతున్నారు. స్టేజ్ మీద బాలయ్య ఎనర్జీ, ఆయన స్టైల్ – ఇవన్నీ చూసాక ఒక్క విషయం మాత్రం ఖచ్చితంగా చెప్పొచ్చు… బాలయ్య ఏ ఈవెంట్లో ఉన్నా అది ఒక అలౌకిక ఎంటర్టైన్‌మెంట్ ఫెస్టివల్‌లా మారిపోతుంది. అందుకే ఆయనకున్న క్రేజ్ ఇప్పటికీ తగ్గదు… రోజు రోజుకి ఇంకా పెరుగుతూనే ఉంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి