ఇదిలా ఉండగా, దర్శకుడు సుకుమార్ మాత్రం సినిమాకు సంబంధించిన మిగతా క్యాస్ట్ అండ్ క్రూ ఫైనలైజ్ చేసే పనిలో బిజీగా ఉన్నారని సమాచారం. తాజాగా అందుతున్న సమాచారం ప్రకారం, ఈ సినిమాలో రామ్ చరణ్ అన్న క్యారెక్టర్ కోసం తమిళ స్టార్ హీరో విక్రమ్ను ఎంపిక చేసినట్లు ఇండస్ట్రీలో గట్టిగానే టాక్ నడుస్తోంది.
ఈ వార్త తెలిసిన వెంటనే మెగా ఫ్యాన్స్ షాక్కు గురవుతున్నారు. విక్రమ్ లుక్స్ పరంగా, బాడీ ఫిజిక్ పరంగా, నటనా స్థాయి పరంగా రామ్ చరణ్కు గట్టి పోటీ ఇచ్చే నటుడు అనే విషయం అందరికీ తెలిసిందే. అలాంటి పవర్ఫుల్ హీరోని రామ్ చరణ్ సినిమాల్లో అన్న పాత్రలో చూపిస్తే, ఆ క్యారెక్టర్ హైలైట్ అయ్యే అవకాశం ఉందని, దాని వల్ల హీరో ఇమేజ్పై ప్రభావం పడుతుందనే భయం కొంతమంది ఫ్యాన్స్లో వ్యక్తమవుతోంది.“ఇంత స్ట్రాంగ్ కాంపిటీషన్ ఇచ్చే హీరోని ఎందుకు సినిమాలో తీసుకోవాలి?”, “ఇది రామ్ చరణ్ సినిమానా లేక మల్టీస్టారర్గా మారబోతుందా?” అంటూ సోషల్ మీడియాలో ఘాటుగా రియాక్ట్ అవుతున్నారు కొంతమంది మెగా అభిమానులు. మరోవైపు, కొంతమంది మాత్రం విక్రమ్ లాంటి నటుడు ఉంటే సినిమాకు మరింత బలం చేకూరుతుందని, కథాపరంగా ఇది ప్లస్ అవుతుందని అభిప్రాయపడుతున్నారు.
ఇలా ఒకవైపు విమర్శలు, మరోవైపు ప్రశంసల మధ్య ఈ న్యూస్ ప్రస్తుతం సోషల్ మీడియాలో హీట్ పెంచుతూ వైరల్గా మారింది. ఈ క్యాస్టింగ్పై మేకర్స్ నుంచి క్లారిటీ వస్తే కానీ అసలు నిజం ఏంటన్నది తెలిసే అవకాశం కనిపించడం లేదు. అప్పటి వరకు మాత్రం మెగా ఫ్యాన్స్ మధ్య ఈ విషయం హాట్ టాపిక్గా కొనసాగనుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి