ఈ సినిమాలో క్యాస్టింగ్ విషయంలో కూడా ఎలాంటి రాజీ ఉండదని తెలుస్తోంది. కీలక పాత్రల కోసం అనుభవజ్ఞులైన నటులను ఎంపిక చేస్తున్నారని సమాచారం. అంతేకాదు, మోక్షజ్ఞ లుక్పై ప్రత్యేక శ్రద్ధ పెట్టినట్టు టాక్. ఇప్పటివరకు ఎప్పుడూ చూడని విధంగా స్టైలిష్గా, మాస్తో పాటు క్లాస్ ఆడియన్స్ను ఆకట్టుకునేలా అతని పాత్రను డిజైన్ చేస్తున్నారట. అయితే ఈ అంశాలపై ఇంకా అధికారిక ప్రకటన రావాల్సి ఉంది. ఇక మోక్షజ్ఞ ఎంట్రీ గురించి బాలకృష్ణ గతంలో మాట్లాడిన వ్యాఖ్యలు ఇప్పుడు మరింత ప్రాధాన్యం సంతరించుకున్నాయి. “మోక్షజ్ఞను ఎలా పరిచయం చేయాలో నాకు పూర్తిగా తెలుసు. అతని కోసం ఐదు ఆరు బలమైన కథలు నా మైండ్లో రెడీగా ఉన్నాయి” అంటూ బాలయ్య చెప్పడం అభిమానుల్లో అంచనాలను మరింత పెంచింది.
ఈ సినిమాకు ప్రముఖ రచయిత సాయి మాధవ్ బుర్రా డైలాగ్స్ అందిస్తుండటం మరో హైలైట్. ఆయన మార్క్ పవర్ఫుల్ డైలాగ్స్ ఈ కథకు మరింత బలాన్ని చేకూర్చనున్నాయని ఇండస్ట్రీ వర్గాలు భావిస్తున్నాయి. మొత్తానికి ‘ఆదిత్య 999 మ్యాక్స్’ సినిమా మోక్షజ్ఞకు గ్రాండ్ లాంచ్గా నిలవడమే కాకుండా, నందమూరి వారసత్వాన్ని మరో స్థాయికి తీసుకెళ్లే ప్రాజెక్ట్గా మారే అవకాశాలు కనిపిస్తున్నాయి. ఈ ప్రాజెక్ట్పై అధికారిక ప్రకటన కోసం అభిమానులు ఆసక్తిగా ఎదురుచూస్తుండగా, బాలయ్య తీసుకున్న ఈ సెన్సేషనల్ నిర్ణయం ఇప్పటికే సోషల్ మీడియాలో హాట్ టాపిక్గా మారింది. నందమూరి ఫ్యాన్స్కు ఇది నిజంగా పూనకాలే అని చెప్పొచ్చు!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి