ఈ సినిమా పూర్తిగా యాక్షన్ మరియు లవ్ ఎలిమెంట్స్తో నిండిన కమర్షియల్ ప్యాకేజ్గా రూపొందుతోంది. అఖిల్ను ఇప్పటివరకు చూడని కొత్త లుక్లో చూపించబోతున్నారని సమాచారం. ముఖ్యంగా సినిమాలో ఆయన స్టైలిష్ అపియరెన్స్, ఫిజికల్ ట్రాన్స్ఫర్మేషన్ ప్రేక్షకులను ఆకట్టుకునేలా ఉంటాయని టాక్. అలాగే హీరోయిన్ భాగ్యశ్రీ బోర్సేతో అఖిల్ మధ్య కెమిస్ట్రీ ఈ చిత్రానికి ప్రధాన ఆకర్షణగా నిలవనుంది.నిజానికి ఈ ప్రాజెక్ట్ మొదట్లో హీరోయిన్గా శ్రీలీల ఎంపికయ్యారు. అయితే అనివార్య కారణాల వల్ల ఆమె ఈ సినిమా నుంచి నిష్క్రమించడంతో, భాగ్యశ్రీ బోర్సేకు ఈ భారీ అవకాశం దక్కింది. ఈ సినిమాతో టాలీవుడ్లో ఆమెకు మంచి గుర్తింపు వస్తుందని సినీ వర్గాలు భావిస్తున్నాయి. ఇప్పటికే విడుదలైన టీజర్ ప్రేక్షకుల్లో క్యూరియాసిటీని పెంచడమే కాకుండా, సినిమాపై అంచనాలను మరింత పెంచింది.
ప్రస్తుతం ‘లెనిన్’ సినిమా పోస్ట్ ప్రొడక్షన్ పనులు చివరి దశకు చేరుకున్నాయి. బ్యాక్గ్రౌండ్ స్కోర్, యాక్షన్ సీక్వెన్సులు, విజువల్ ట్రీట్ వంటి అంశాలపై మేకర్స్ ప్రత్యేక శ్రద్ధ చూపిస్తున్నారు. ముఖ్యంగా మాస్ ఆడియెన్స్ను దృష్టిలో పెట్టుకుని రూపొందించిన సీన్స్ సినిమాకు హైలైట్గా నిలుస్తాయని సమాచారం.
‘ఏజెంట్’ సినిమా తర్వాత కొంత గ్యాప్ తీసుకున్న అఖిల్, ఇప్పుడు తన కెరీర్ను మరింత సీరియస్గా తీసుకుంటున్నారు. వివాహం తర్వాత సినిమాల ఎంపికలో జాగ్రత్తగా అడుగులు వేస్తున్న ఆయన, వరుస ప్రాజెక్టులతో ముందుకు వెళ్లాలని ప్లాన్ చేస్తున్నట్లు తెలుస్తోంది. ఇప్పటికే యూవీ క్రియేషన్స్, హోంబలే ఫిలిమ్స్ వంటి పెద్ద నిర్మాణ సంస్థలతో చర్చలు జరుగుతున్నాయని ఇండస్ట్రీలో టాక్ వినిపిస్తోంది.‘లెనిన్’ ఆశించిన స్థాయిలో విజయం సాధిస్తే, అఖిల్ నేరుగా పాన్ ఇండియా మార్కెట్ను టార్గెట్ చేసే అవకాశాలు ఉన్నాయని సినీ విశ్లేషకులు అభిప్రాయపడుతున్నారు. అక్కినేని అభిమానులు కూడా ఈ సినిమాపై భారీ ఆశలు పెట్టుకున్నారు. ఈ వేసవిలో బాక్సాఫీస్ వద్ద అఖిల్ ఎలాంటి మ్యాజిక్ చేస్తారో చూడాలంటే మే 1 వరకు ఎదురుచూడాల్సిందే.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి