దర్శకత్వం: అజిత్ వాసన్ ఉగ్గిన
సంగీతం: మాస్ట్రో ఇళయరాజా
నిర్మాతలు: ముద్రగడ రంగారావు, ఉగ్గిన సత్యనారాయణ
జానర్: రొమాంటిక్ హారర్ థ్రిల్లర్
భాష: ఇంగ్లీష్ (తెలుగు డబ్బింగ్)
కథా నేపథ్యం:
విడిపోవడానికి సిద్ధమైన ఒక యువ జంట, తమ అనుబంధాన్ని గౌరవప్రదంగా ముగించాలనే ఉద్దేశంతో ఒక విహారయాత్రకు వెళ్తారు. ఈ క్రమంలో వారు ఒక నిర్మానుష్య ప్రాంతంలోని ఎస్టేట్కు చేరుకుంటారు. అక్కడ వారి మధ్య ఉన్న పాత జ్ఞాపకాలు, భావోద్వేగాలతో పాటు కొన్ని వింతైన సంఘటనలు ఎదురవుతాయి. సాధారణ హారర్ సినిమాల లాగా కాకుండా, ఒక 'పవిత్రమైన ఆత్మ' చుట్టూ ఈ కథ తిరుగుతుంది. అసలు వారు సంతోషంగా విడిపోయారా? లేదా మళ్లీ కలిశారా? అనేదే ఈ చిత్ర సారాంశం.
విశ్లేషణ :
ఈ సినిమాకు అతిపెద్ద బలం మాస్ట్రో ఇళయరాజా అందించిన సంగీతం. లండన్లోని ప్రసిద్ధ 'బో టై ఆర్కెస్ట్రా'తో కలిసి ఆయన చేసిన నేపథ్య సంగీతం సినిమాను మరో స్థాయికి తీసుకెళ్లింది. ప్రతి సన్నివేశంలోనూ భావోద్వేగాలను పండించడంలో సంగీతం కీలక పాత్ర పోషించింది. కొత్తవారైనప్పటికీ తక్ష్ మరియు మటిల్డా తమ పాత్రల్లో ఒదిగిపోయారు. ముఖ్యంగా ఇద్దరు వ్యక్తుల మధ్య సాగే డ్రామా కావడంతో వారి కెమిస్ట్రీ మరియు ఎమోషన్స్ హైలైట్గా నిలిచాయి.
దర్శకుడు అజిత్ వాసన్ ఒక వెరైటీ కాన్సెప్ట్ను ఎంచుకున్నారు. చిక్కమగళూరు అడవుల్లో తీసిన విజువల్స్ అద్భుతంగా ఉన్నాయి. కలర్ గ్రేడింగ్ మరియు సౌండ్ డిజైన్ అంతర్జాతీయ స్థాయిలో ఉన్నాయి.
ప్లస్ పాయింట్స్:
ఇళయరాజా మ్యూజిక్ మరియు సింఫనీ స్కోర్
సినిమాటోగ్రఫీ మరియు లొకేషన్స్
డిఫరెంట్ హారర్ కాన్సెప్ట్
సినిమా నిడివి
బాటమ్ లైన్: 'ఏ బ్యూటిఫుల్ బ్రేకప్' అనేది సాధారణ దెయ్యాల సినిమా కాదు, ఇదొక క్లాసిక్ ఎమోషనల్ థ్రిల్లర్. హారర్ చిత్రాల్లో కొత్తదనం కోరుకునే వారికి, ఇళయరాజా సంగీత అభిమానులకు ఇది ఒక మంచి అనుభూతిని ఇస్తుంది. ఈ వారం బెస్ట్ మూవీ చూడాలని భావించే వాళ్ళు ఈ సినిమాపై ఒక లుక్ వేయొచ్చు.
రేటింగ్ : 2.75/5.0
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి