ఆంధ్రా సెటిలర్లు సైతం రేవంత్కు అక్కడ ఎప్పుడూ సపోర్టర్స్ గా ఉంటూ వస్తున్నారు. ఇక రేవంత్కు ముఖ్య అనుచరుడిగా ఉన్న మల్కాజ్ గిరి పార్లమెంట్ నియోజకవర్గ టీడీపీ ప్రధాన కార్యదర్శి, కంటోన్మెంట్ ప్రాంతానికి చెందిన ముప్పిడి మధుకర్ టీడీపికి గుడ్ బై చెప్పేసి హస్తం గూటికి చేరే ఏర్పాట్లు చేసుకుంటున్నారు. మల్కాజ్ గిరి ఎంపీగా ఉన్న రేవంత్ రెడ్డికి మధుకర్ అత్యంత సన్నిహితుడు. గత ఎన్నికలలో కాంగ్రెస్, టీడీపీ కలిసి పోటీ చేసినప్పుడు కూడా ఆయన కాంగ్రెస్ అభ్యర్థుల గెలుపు కోసం ఎంతో కష్టపడ్డారు.
ఇక గత లోక్సభ ఎన్నికల్లో మల్కాజ్ గిరిలో రేవంత్ ను గెలిపించేందుకు మధుకర్ ఎంతో కష్టపడ్డారు. విచిత్రం ఏంటంటే స్థానిక కాంగ్రెస్ నాయకులు కొందరు లోకల్ ఫిలింగ్తో టీఆర్ఎస్ అభ్యర్థికి సపోర్ట్ చేశారు. మధుకర్ మాత్రం రేవంత్ వెంటే ఉన్నారు. ఎన్నికల తర్వాత రేవంత్ రాజకీయంగా అనేక ఇబ్బందుల్లో ఉండడంతో మధుకర్ ఒక్కరు మాత్రమే కాదు.. చాలా మంది నేతలు సైలెంట్ అయ్యారు. ఇక ఇప్పుడు వీరంతా రేవంత్ ఏకంగా పీసీసీ అధ్యక్షుడు అవ్వడంతో తిరిగి రాజకీయంగా యాక్టివ్ అవ్వడంతో పాటు కాంగ్రెస్లో తమ అదృష్టం పరీక్షించుకోనున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి