కోమటిరెడ్డి తన అనుచరులతో గన్ పార్కు వద్ద అమరవీరులకు సైతం నివాళులు అర్పించి ఒక సంచలన ప్రకటన చేశారు. కోమటిరెడ్డి మాట్లాడుతూ మంత్రివర్గ విస్తరణలో కూడా తనకు అవకాశం ఇస్తానని ఇవ్వలేదని ఫైర్ అయ్యారు. అంతేకాకుండా తన నియోజకవర్గానికి నిధులు ఇవ్వలేదని, రింగ్ రోడ్డు విషయంలో కూడా పోరాటం చేస్తానని తెలియజేశారు. తన సోదరుడికి మంత్రి పదవి ఇస్తే తనకి కూడా ఇస్తానంటూ ఇచ్చిన హామీ ఏమయిందా అంటూ పరోక్షంగానే సీఎం రేవంత్ రెడ్డిని ప్రశ్నించినట్లుగా వినిపిస్తున్నాయి.
అలాగే వరదలతో తెలంగాణ రాష్ట్ర ప్రజలు ఇబ్బంది పడుతున్న వేళ తాను అసెంబ్లీకి రావడం ఇష్టం లేదని తెలియజేశారు. కేవలం ఈరోజు మాత్రమే అసెంబ్లీలోకి వస్తానని రేపటి నుంచి వరద బాధితుల ప్రాంతాలలో తాను పర్యటిస్తానంటూ వెల్లడించారు కోమటిరెడ్డి. చివరిలో అసెంబ్లీకి తాను హాజరయ్యేది కూడా ఇదే చివరి రోజు అన్నట్లుగా హింట్ ఇచ్చారు. మరి ఈ అసెంబ్లీ సమావేశాలకు ఒక్కటే కోమటిరెడ్డి దూరంగా ఉంటారా? లేకపోతే పూర్తిగానే దూరం అవుతా ఆనే విషయం ఇప్పుడు సంచలనంగా మారుతోంది. కోమటిరెడ్డి రాజగోపాల్ రెడ్డి చేసిన వ్యాఖ్యలు తెలంగాణ పోలిటిక్స్ లోనే సంచలనంగా మారుతున్నాయి. అసలు తెలంగాణ కాంగ్రెస్ పార్టీలో ఏం జరుగుతోందనే విషయంపై చాలామంది నేతలు తలలు పట్టుకుంటున్నారు. ఇప్పటికే చాలామంది కాంగ్రెస్ నేతలు కూడా అసంతృప్తితో ఉన్నారని వినిపిస్తున్నాయి. మరి కోమటిరెడ్డి వ్యాఖ్యల పైన తెలంగాణ సీఎం రేవంత్ రెడ్డి ఎలా స్పందిస్తారు అసంతృప్తితో ఉన్న ఎమ్మెల్యేలను ఎలా బుజ్జగిస్తారో చూడాలి మరి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి