మద్రాస్ హైకోర్టు చేసిన వ్యాఖ్యలు, సీబీఐ విచారణకు వెళ్లిన కేసు - ఇవన్నీ ఆయనలో భయాన్ని నింపాయి. “ప్రజల కోసం రాజకీయాల్లోకి వచ్చిన నేను, వాళ్ల ప్రాణాలు తీసుకున్నట్టేనా?” అనే ఆత్మవిమర్శతో విజయ్ సైలెంట్ మోడ్‌లోకి వెళ్లిపోయారని పార్టీ వర్గాలు చెబుతున్నాయి. బీజేపీ వైపు కదలిక – పరిస్థితుల ఒత్తిడి: తమిళనాడు ప్రభుత్వం ఈ కేసును సున్నితంగా తీసుకుంటే బాగుండేది. కానీ, కేసు సీబీఐకి వెళ్లడం విజయ్‌కు పెద్ద షాక్‌గా మారింది. ఇక సీబీఐ ఏదైనా ప్రతికూల నివేదిక ఇచ్చినట్లయితే, ఆయన రాజకీయ భవిష్యత్తే సస్పెన్స్ అవుతుంది. ఇలాంటి వేళ బీజేపీతో సన్నిహితత పెంచుకోవడం మాత్రమే రక్షణ కవచంగా కనిపిస్తోంది. బీజేపీ నేతలు కూడా విజయ్‌ను 'తమ శిబిరంలోకి' రప్పించే ప్రయత్నంలో ఉన్నారన్న సమాచారం రాజకీయ వర్గాల్లో వినిపిస్తోంది.
పొత్తుల రాజకీయాలు – వ్యూహాత్మక మార్పు: ఇప్పటివరకు డీఎంకేను ప్రధాన శత్రువుగా, బీజేపీని సిద్ధాంతపరమైన వ్యతిరేకిగా ప్రకటించిన విజయ్, ఇప్పుడు రాజకీయ వాస్తవాలను అంగీకరిస్తున్నట్టు ఉంది. “పొత్తులు పెట్టుకున్నా సిద్ధాంతాలు మారవు” అన్న లైన్‌తో ఆయన బీజేపీ కూటమిలోకి మెల్లగా జారిపోవచ్చని రాజకీయ విశ్లేషకులు చెబుతున్నారు. ఎన్నికల సమయానికి విజయ్ పార్టీ బీజేపీ–అన్నాడీఎంకే కూటమిలో భాగమవ్వడం ఖాయం అన్న అంచనాలు బలపడుతున్నాయి. తమిళ రాజకీయాల్లో విజయ్ అడుగులు ఎప్పుడూ సాఫీగా లేవు. కానీ ఈసారి ఆయన ఎదుర్కొంటున్న సవాళ్లు భిన్నం. కరూర్ ఘటన తర్వాత రాజకీయ నిర్ణయాలు తీసుకోవడంలో ఆయన చూపుతున్న జాగ్రత్త – రాజకీయ పరంగా కొత్త అధ్యాయాన్ని తెరుస్తోంది. విజయ్ ఇప్పుడు 'ఒంటరి పోరాటం' నుంచి 'కూటమి వ్యూహం' వైపు అడుగులు వేస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి