తెలంగాణ కోటి రతనాల వీణ.. ఈ పదం ఇంత అలవోకగా పలుకుతున్నామంటే దానికి ప్రధాన కారకుడు కేసీఆర్ అని చెప్పవచ్చు. తెలంగాణ రాష్ట్ర సమితి ప్రారంభించి ఎన్నో పోరాటాలు చేసి చివరికి ప్రత్యేక తెలంగాణ రాష్ట్రం సాధించి  ప్రత్యేక కీర్తిని గడించారు.  అంతేకాదు తెలంగాణ రాష్ట్రాన్ని ఇతర రాష్ట్రాలతో సమానంగా కేవలం 10 సంవత్సరాల లోనే తీర్చిదిద్దిన ఘనత కేసిఆర్ కు దక్కింది.  అలాంటి కేసీఆర్ రాష్ట్ర సాధన కోసం ఎలాంటి త్యాగాలు చేశారు. ఆ వివరాలు చూద్దాం.. తెలంగాణ వచ్చుడో నేను సచ్చుడో అనే నినాదంతో 2009 నవంబర్ 29న  ఆమరణ నిరాహార దీక్షకు సిద్ధమయ్యారు కేసీఆర్. కేసీఆర్ మొదటి దీక్ష కూడా కరీంనగర్ గడ్డ నుంచి మొదలై  సిద్దిపేట పరిధిలోని దీక్షా దివాస్ కు చేరింది. అలాంటి ఈ సమయంలో తెలంగాణ రాష్ట్రం మొత్తం కేసీఆర్ వైపే చూసింది. మాట్లాడే నాయకుడు దొరికాడని భావించింది. ఆయన వెంట అడుగులు వేయడం మొదలుపెట్టింది.

 ఆ ఉద్యమం ఇంతింతై వటుడింతై  అన్నట్టు, ఉద్యమం ఉవ్వెత్తున ఎగిసిపడింది. ఆనాడు కరీంనగర్ నుంచి మొదలై సిద్దిపేటకు వచ్చిన తర్వాత పోలీసులు అడుగడుగునా ఉద్యమకారులను అరెస్టు చేశారు. చివరికి కేసీఆర్ ను అరెస్టు చేసి ఖమ్మం జైల్లో వేశారు. అయినా వెనక్కి తగ్గని కేసీఆర్ జైల్లోనే ఆమరణ నిరాహార దీక్ష చేపట్టారు. చివరికి ఆయన ఆరోగ్యం క్షీణిస్తోందని  తెలిసి రాష్ట్రవ్యాప్తంగా ప్రజలంతా రోడ్లపైకి వచ్చి ధర్నాలు రాస్తారోకోలు చేయడం మొదలుపెట్టారు. ప్రభుత్వ ఆఫీసుల్లో ఉద్యోగులు, లాయర్లు, పోలీసులు, ప్రజలు అంతా కలిసి ఏకపక్షమయ్యారు. విద్యార్థి సంఘాలు మొత్తం రోడ్లపైకి చేరి ధర్నాలు చేపట్టాయి. ఎంతోమంది బలిదానాలు కూడా చేశారు. చివరికి కాంగ్రెస్ పార్టీ మెడలు వంచి ప్రత్యేక రాష్ట్ర సాధన కల నెరవేర్చుకున్నారు.

ఆ తర్వాత రెండు సార్లు కేసీఆర్ సీఎం అయ్యారు కానీ మూడో దఫా కాంగ్రెస్ అధికారంలోకి వచ్చింది. ఇక ఎప్పుడైతే దీక్ష దివాస్ ప్రారంభించారో అప్పటినుంచి ప్రతి ఏడాది నవంబర్ 29వ తేదీన దీక్ష దివాస్ పేరుతో పలు ప్రోగ్రామ్స్ నిర్వహిస్తున్నారు. ఆనాటి ఉద్యమ ఫోటోలు, వీడియోలతో పాటు వాళ్ళు చేసిన త్యాగాల గురించి బయట ప్రపంచానికి తెలిసేలా కార్యక్రమాలు చేస్తున్నారు. మరీ ముఖ్యంగా ప్రతి యూనివర్సిటీలో దీక్ష దివాస్ పేరుతో శిబిరాలు ఏర్పాటు చేసి ఉద్యమ చరిత్రను అందరికి తెలిసేలా చాటుతున్నారు. ఈ విధంగా తెలంగాణ రాష్ట్రాన్ని సాధించినటువంటి కేసీఆర్ అంటే  ఇప్పటికీ కోట్లాదిమంది ప్రజలకు ఒక ప్రేమ ఉంటుంది. అయితే దీక్ష దివాస్ కు 16 ఏళ్లు అయిన సందర్భంగా మరోసారి యాది చేసుకుందాం..
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

TELANGANA DIKSHA DIVAS 16 YEARS COMPLETE CONGRESS SONIA GANDHI

Pandrala Sravanthi

29/11/2025 08:26 AM