ఎన్టీఆర్ (టిడిపి )కాలం నుంచే చేనేతలకు తోడుగా ఉన్నాము. ఇచ్చిన మాట ప్రకారమే హ్యాండ్ లూమ్ (మగ్గం) వారికి 200 యూనిట్లు, పవర్లూమ్ (మర మగ్గం) వారికి 500 యూనిట్లను ఉచితంగా అందిస్తున్నామని తెలియజేశారు. ఈ పథకం వల్ల ఏపీ రాష్ట్ర వ్యాప్తంగా 1,03,534 చేనేత కుటుంబాలకి లబ్ధి పొందనున్నారు. రాష్ట్రవ్యాప్తంగా హ్యాండ్ లూమ్ 93,000 కుటుంబాలు ,పవర్ లూమ్ 10,534 కుటుంబాలకు ఉచితంగా విద్యుత్ లబ్ధిచేకూరానుంది.దీంతో ప్రతి నెల కూడా రూ .85 కోట్ల రూపాయలు భారం ప్రభుత్వం పైన పడుతుందని మంత్రి సవిత తెలిపారు.
ఈ స్కీమ్స్ వల్ల మగ్గం లబ్ధిదారులకు ప్రతినెల రూ. 720 రూపాయలు అదా ఆవుతుంది, ఏడాదికి రూ .8,000 లకు పైగా ఆదా అవుతుందని, మరమగ్గం లబ్ధిదారులకు నెలకు రూ .1800 అదా కాగా, ఏడాదికి రూ. 21,600 రూపాయలు ఆదా అవుతుందని తెలియజేశారు. అలాగే 50 ఏళ్ల వయసు నుంచే చేనేతలకు రూ.4000 రూపాయలు పెన్షన్ అందిస్తున్నామంటూ మంత్రి సవిత తెలిపారు. ఇందులో 87,280 మంది ఈ పెన్షన్ పొందుతున్నారని.. ఈ పెన్షన్ ని రూ .3000 వేల నుంచి 4000 రూపాయలకు పెంచడంతో ఏడాదికి 12,000 అదనంగా లభిస్తుందని తెలిపారు. ఇలా చేనేత పరిశ్రమ అభివృద్ధి కోసమే ఏపీ ప్రభుత్వం ఎన్నో చర్యలు తీసుకుంటూందని తెలిపారు మంత్రి సవిత.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి