రాజస్థాన్ రాయల్స్ జట్టుకు మెగా వేలం ఎంతగానో కలిసొచ్చింది. ఎంతోమంది మంచి ప్లేయర్లను జట్టులోకి తీసుకోవడంతో పటిష్టంగా మారిపోయింది. దీంతో 14 ఏళ్ల సుదీర్ఘ విరామం తర్వాత ఫైనల్ లో అడుగు పెట్టి ఇప్పుడు టైటిల్ గెలిచేందుకు సిద్ధమవుతోంది. అదే సమయంలో ఇక మొదటి సీజన్ లోనే మంచి ప్రదర్శన తో దూసుకుపోతున్న గుజరాత్ టైటాన్స్ జట్టు ఇక టైటిల్ గెలవాలనే పక్కా ప్రణాళికను సిద్ధం చేసుకుంది. కాగా నేడు ఐపీఎల్ ఫైనల్ మ్యాచ్ సందర్భంగా ఎంతో అంగరంగ వైభవంగా ముగింపు వేడుక జరగబోతుంది అన్న విషయం తెలిసిందే.
ఈ క్రమంలోనే ఐపీఎల్ ఫైనల్ మ్యాచ్ ప్రపంచ క్రికెట్ చరిత్రలోనే ఒక అరుదైన రికార్డును సొంతం చేసుకుంది. ప్రస్తుతం ముగింపు వేడుకలు కారణంగా అరగంట ఆలస్యంగా ఎనిమిది గంటలకు మ్యాచ్ ప్రారంభం కాబోతుంది. అహ్మదాబాద్ వేదికగా ఈ మ్యాచ్ జరుగుతుంది. అయితే ఈ మ్యాచ్ ను ప్రత్యక్షంగా వీక్షించేందుకు భారత ప్రధాని నరేంద్రమోదీ రాబోతున్నారు. ఇక అంతే కాకుండా ఈ మ్యాచ్ చూసేందుకు ఒక లక్షా 25వేల మంది ప్రేక్షకులు కూడా స్టేడియానికి అనుమతించబోతున్నారు. అయితే ఇది కేవలం ఐపీఎల్ హిస్టరీ లోనే కాదు ప్రపంచ క్రికెట్ చరిత్రలో కూడా ఒక రికార్డు అనే చెప్పాలి. ఇంత పెద్ద సంఖ్యలో ప్రేక్షకులు మ్యాచ్ చూడటం ఇదే మొదటిసారి..
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి