ఇక 2023 ఐపీఎల్ సీజన్ లోను ఇదే రిపీట్ అయింది. మొదటినుంచి ఎంతో పటిష్టంగా కనిపిస్తూ వచ్చిన రాయల్ చాలెంజర్స్ బెంగళూరు జట్టు.. కీలకమైన మ్యాచ్లలో మాత్రం గెలవలేకపోయింది. ఇక ఇటీవలే గుజరాత్ టైటాన్స్ తో మ్యాచ్ సమయంలో ప్లే ఆఫ్ లో నిలవాలంటే తప్పక గెలవాల్సిన మ్యాచ్ లో చివరికి ఓడిపోయింది. విరాట్ కోహ్లీ సెంచరీ తో చేలరేగిపోయిన మిగతా ఆటగాళ్ల నుంచి సహకారం లేకపోవడంతో చివరికి ఓటమి తప్పలేదు. దీంతో ఇక బెంగళూరు జట్టు అభిమానులందరికీ కప్పు గెలవాలని కల కలగానే మిగిలిపోయింది అని చెప్పాలి.
ఈ క్రమంలోనే ఆర్సిబికి కప్పు గెలిచే అదృష్టం లేదు అంటూ సోషల్ మీడియా వేదికగా ట్రోలింగ్ మొదలైంది. అంతేకాదు బెంగళూరు కెప్టెన్ గా ఉన్న డూప్లెసెస్ ఆర్సిబి ఓడిపోతుందని ముందుగానే చెప్పాడు అంటూ ఒక వీడియో ప్రస్తుతం ట్విటర్ వేదికగా వైరల్ గా మారిపోయింది అని చెప్పాలి. ఐపీఎల్ సీజన్ ప్రారంభానికి ముందు ఆర్సిబి కెప్టెన్ డూప్లెసెస్, విరాట్ కోహ్లీ తో ఒక కార్యక్రమం నిర్వహించగా.. ఈసారి కప్పు నమ్దే అనాల్సింది పోయి ఈ ఏడాది కప్పు లేదు.. ఈ సాల కప్పు నహి అంటూ ఉచ్చరించాడు డూప్లెసెస్. ఇక చివరికి ఇదే నిజం అయ్యింది అంటూ మిగతా టీమ్స్ ఫాన్స్ కామెంట్లు చేస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి