ఏకంగా ఓపెనర్గా బరిలోకి దిగి ఎంతో దూకుడుగా ఆడుతున్నాడు రోహిత్ శర్మ. సిక్సర్లు ఫోర్లతో చెలరేగిపోతున్నాడు. ఈ క్రమంలోనే ఇక మంచి ఆరంభాలు రావడంతో మిగతా ఆటగాళ్లు ఇక ఒత్తిడి ధర చేరకుండా స్వేచ్ఛగా ఆడగలుగుతున్నారు అని చెప్పాలి. కాగా వరల్డ్ కప్ లో టీం ఇండియా ప్రస్థానం గురించి అయితే ప్రత్యేకంగా చెప్పాల్సిన పనిలేదు. ఇప్పటివరకు 9 మ్యాచ్ లు ఆడితే ఒక్క ఓటమి కూడా లేకుండా అన్ని మ్యాచ్లలో కూడా విజయం సాధించింది భారత జట్టు. కాగా రోహిత్ శర్మ ఆట తీరుపై పాకిస్తాన్ వసీం అక్రమ్ ప్రశంసలు వర్షం కురిపించాడు.
అందరిలా కాదు రోహిత్ మరో రకం అంటూ వసీం అక్రమ్ చెప్పుకొచ్చాడు. రోహిత్ లాగా ఎవరూ కూడా బ్యాటింగ్ చేయలేరు. మనం ఎప్పుడూ కూడా విరాట్ కోహ్లీ, కేన్ విలియంసన్, జోరూట్, బాబర్ గురించి మాత్రమే మాట్లాడుతూ ఉంటాం. కానీ రోహిత్ వీరందరితో పోల్చి చూస్తే వేరే రకం. అతను ఆడుతుంటే బ్యాటింగ్ చేయడం ఇంత సులభమా అని అనిపిస్తూ ఉంటుంది. పరిస్థితులు ఎలా ఉన్నా బౌలర్ ఎవరైనా కూడా అద్భుతమైన షాట్లు కొట్టగలడు. అందుకే అతనికి బౌలింగ్ చేయాలంటే ప్రత్యర్ధులు భయపడిపోతూ ఉంటారు అంటూ పాక్ మాజీ ప్రశంసించాడు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి