కానీ ఒక్కసారి కళ్ళ ముందు పాము కనిపించింది అంటే చాలు భయంతో వనికి పోవడం కూడా చూస్తూ ఉంటాం. అయితే పామును నేరుగా చూడడానికి భయపడిపోయే జనాలు.. అటు సోషల్ మీడియా వేదికగా వైరల్ గా మారిపోయిన పాము వీడియోలను చూడడానికి మాత్రం తెగ ఆసక్తి కనబరుస్తూ ఉంటారు అని చెప్పాలి. అయితే కొంతమంది సాహసం చేయరా డింభకా అనే మాటతో ప్రేరణ పొంది ఏకంగా పాములను పట్టుకోవడానికి వాటితో ఫోటోలు దిగడానికి తెగ ప్రయత్నాలు చేస్తూ ఉంటారు అని చెప్పాలి. ఇక్కడ ఓ యువతి కూడా ఇలాంటిదే చేసి ఆ వీడియోని సోషల్ మీడియాలో పోస్ట్ చేయడంతో ఇక ప్రతి ఒక్కరు ఈ వీడియో చూసి నవ్వుకుంటున్నారు.
ఆ యువతీకి కొత్తగా పెళ్లయినట్టుంది. భర్తతో కలిసి సరదాగా టూర్ కి వెళ్ళింది. ఈ క్రమంలోనే కంటికి కనిపించే వింతలన్నీ చూస్తూ వెళ్తుంది. ఇంతలో ఆమెకు ఒకచోట పాములు కనిపించాయి. అవన్నీ పెంపుడు పాములు. అయితే ధర చెల్లించి కాసేపు పట్టుకుని వాటితో ఫోటో దిగేందుకు అవకాశం ఉంటుంది. ఆ యువతి మదిలో ఎలాంటి ఆలోచన మిగిలిందో కానీ ఎంతో ధైర్యంగా పామును పట్టుకునేందుకు సిద్ధమైంది. కానీ ఆ తర్వాత పాముని ఆమె చేతిలో పెట్టగానే ఒక్కసారిగా గజగజ వనికిపోయింది. కానీ పైకి ధైర్యాన్ని నటించేందుకు ప్రయత్నించింది. దీంతో ఇలా సదరు యువతీ ఒకవైపు ధైర్యం నటిస్తూనే లోలోపల భయపడటం చూసి ప్రతి ఒక్కరు నవ్వుకుంటున్నారు అని చెప్పాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి