ఒంటరిగా ఉన్నప్పుడు ఆందోళన ఎక్కువవుతుంది. అంతే కాకుండా ఇది మనిషిని కుంగదీస్తుంది. ఇటువంటి వారిలో ఎక్కువగా క్యాన్సర్ వచ్చే ప్రమాదముందని చెబుతున్నారు. కాబట్టి మీరు ఒంటరితనాన్ని వీడడం చాలా ప్రధానం. ఇది చాలా ప్రమాదకరమైనది. ఒంటరి తనం అంటే మీరు పొగతాగడంతో సమానంగా చెబుతున్నారు. పొగతాగడం ఎలా అయితే మన ఆరోగ్యానికి హాని కలిగిస్తుందో అదే విధంగా ఒంటరితనం కూడా మనపై ఈ దుష్ప్రభావాన్ని చూపుతుంది. ఈ ఒంటరితనం నుండి బయటపడాలంటే మీరు కొన్ని కొత్త కొత్త అలవాట్లను అలవర్చుకోవాలి. రోజూ ఏదైనా ఒక బుక్ ను కొంతసేపు చదవడం అలవాటు చేసుకోండి.
తద్వారా మీ మనసులో మీ గురించి కాకుండా వేరొకరి గురించి మీకు తెలియకుండానే ఆలోచించడం మొదలు పెడతారు. ఒక రోజులో ఏదో ఒక సమయంలో కొంత సేపు వ్యాయామం చేయండి. ఇది మీకు శరీరకంగానే కాక మానసికంగానూ మంచి ఉల్లాసం మరియు ఉత్సాహాన్ని కలిగిస్తుంది. మీకు నచ్చిన టీవీ షోలను చూస్తూ ఎంజాయ్ చేయండి. ఇలా మీకు నచ్చిన కొన్ని పనులను చేస్తూ ఉండడం వలన ఆటోమేటిక్ గా మీరు ఒంటరి తనాన్ని మెల్ల మెల్లగా వదిలి సాధారణంగా మారిపోతారు. తద్వారా మీ ఆరోగ్యం మెరుగుపడుతుంది.