* నేడు మారుతున్న సమాజములో సోషల్ మీడియా అనేది మనిషిపై ఎంతో ప్రభావాన్ని చూపుతోంది. ఈ సోషల్ మీడియా వాడకానికి దూరంగా ఉండడమే మంచిదని మానసిక నిపుణులు సలహా ఇస్తున్నారు. అందరూ వాడుతున్నారు కానీ కొంతమంది అదే జీవితంలాగా దానికి అలవాటు పడిపోతున్నారు. అందుకే దీనిని త్యజించాల్సిన అవసరం ఎంతైనా ఉంది.
* మనిషి జ్ఞానానికి ముఖ్యకారకాలైన పుస్తకాలతో ఎక్కువ సమయం గడపాలని చెబుతున్నారు.
* మాములుగా చాలా మంది నిత్యం వారి భవిష్యత్తు కోసం కలలు కంటూ ఉంటారు. ఉదాహరణకు: నేను అది చెయ్యాలి, ఇది చెయ్యాలి, అలా అవ్వాలి...అని రకరకాలుగా అనుకుంటూ ఉంటారు. కానీ ఆ కలలను సాకారం చేసుకునే దిశగా ఏ మాత్రం ప్రయత్నించరు. వారు ఈ రోజు నుండి వారి కలల కోసం పోరాడాలి.
* మీలో మార్పు రావాలంటే, మీపై మీరు ద్వేషం పెంచుకోకూడదు. ప్రేమను పెంచుకోవాలి. అప్పుడే మీలో మార్పు రావడానికి సులభతరం అవుతుంది.
* ఎప్పుడూ పని అవలేదని నిరాశతో ఉండకండి.
* ముఖ్యంగా మిమ్మల్ని వేరే వారితో పోల్చుకోవడం మానేయండి. మీలో మార్పు వస్తోందా లేదా చూసుకోండి.
* మీ పక్కవారిలో తప్పులను వెతకడం మానేయండి. వారు తప్పులు చేస్తే సున్నితంగా తెలియచేసి, మంచి చేసేలా ప్రోత్సహించండి.
* జీవితంలో ఎప్పుడూ కూడా పగ ప్రతీకారం అనేది పెట్టుకోకండి. అందరితో సామరస్యంగా మెలగండి.
* అవతలి వారు చెప్పే విషయాలలో మీకు సందేహాలు ఉంటే వెంటనే చెప్పేయండి. మొహమాటపడకండి.
మీలో నిజమయిన మార్పు కనిపించాలంటే వీటిని పాటించండి. తరువాత చూడండి మార్పు జెట్ స్పీడ్ లా దూసుకొస్తుంది.
