മുഖം വൃത്തിയാക്കുന്നതിന് മുൻപ് കൈകൾ നന്നായി വൃത്തിയാക്കണം.ഹോർമോൺ വ്യത്യാസങ്ങളാണ് ഇത്തരം മുഖക്കുരുവിന് പിന്നിൽ എന്നതിനാൽ പുറമേ നിന്നുള്ള പ്രതിവിധികൾ കൊണ്ട് പൂർണമായും ഈ പ്രശനം ഇല്ലാതാക്കാൻ കഴിയില്ല, എന്നാൽ ചില പരിചരണങ്ങൾ നൽകുന്നതിലൂടെ മുഖക്കുരു അമിതമായി ഉണ്ടാകുന്നത് ഒരു പരിധി വരെ തടയാൻ കഴിയും.സാലിസിലിക് ആസിഡ് ഉപയോഗിക്കുന്നത് വഴി മുഖക്കുരു രൂപപ്പെടുന്നത് ഒരു പരിധി വരെ തടയാൻ കഴിയും. ചർമ സുഷിരങ്ങൾ അടഞ്ഞുപോകുന്നതിന് കാരണമാകുന്ന നിർജ്ജീവ കോശങ്ങളും അഴുക്കുകളും നീക്കം ചെയ്യാനായി ഇത് ഉപയോഗിക്കാം. മുഖക്കുരുവും ചുവന്ന പാടുകളും ഇല്ലാതാക്കാൻ ഏറ്റവും നല്ല വഴിയാണ് ഇത്.ആർത്തവകാല മുഖക്കുരുവിനെ തടയാൻ മികച്ച വഴിയാണ് ബെൻസോയിൽ പെറോക്സൈഡ്.
സുഷിരങ്ങൾ അടഞ്ഞുപോയ ചർമ്മകോശങ്ങളിലൂടെ അധിക സെബം വരുന്നതും ചർമ്മത്തിന് കീഴിലുള്ള ബാക്ടീരിയകളുടെ പ്രവർത്തനം നശിപ്പിച്ച് മുഖക്കുരു തടയാനും ഇത് സഹായിക്കുന്നു.മുഖക്കുരു ചികിത്സിക്കുന്നതിനും പാടുകൾ കുറയ്ക്കുന്നതിനും മുറിവുകൾ ഉണക്കുന്നതിനും വളരെയധികം സഹായിക്കുന്ന ഒന്നാണ് മഞ്ഞൾ. ഇത് പതിവായി ഉപയോഗിക്കുന്നത് ചർമ്മത്തിന് സ്വാഭാവികമായ തിളക്കം നൽകുന്നു. അതിനാൽ ആർത്തവ സമയത്തെ മുഖക്കുരു ചർമത്തിൽ രൂപപ്പെടുന്നതിന് മുൻപ് തന്നെ ഈ മഞ്ഞൾ പ്രയോഗം പരീക്ഷിച്ചു നോക്കൂ. വ്യത്യാസം തീർച്ചയായും അനുഭവപ്പെടുമെന്ന് ഉറപ്പ്.കറ്റാർ വാഴയുടെ ഗുണങ്ങൾ മുഖക്കുരു , ചുണങ്ങ്, ചൊറിച്ചിൽ, ചുവന്ന പാടുകൾ എന്നിവ ഇല്ലാതാക്കാൻ സഹായിക്കുന്നു. ഇതിൻറെ ആൻറി ബാക്ടീരിയൽ ഗുണങ്ങളും മുഖക്കുരുവിനെ അകറ്റി നിർത്താൻ സഹായിക്കുന്നു. അതിനാൽ ആർത്തവ സമയത്തും അല്ലാതെയും കറ്റാർവാഴ സൗന്ദര്യ സംരക്ഷണത്തിൽ പതിവായി ഉപയോഗിക്കുന്നത് ഗുണം ചെയ്യും.