శరీర బరువుని అదుపులో ఉంచుకోవాలంటే ఆహారాన్ని తినేటప్పుడు నెమ్మదిగా తినాలి.అస్సలు వేగంగా తినకూడదు. ఇంకా నోట్లో ఆహారాన్ని ఎక్కువ సేపు నమలాలి. ఇలా చేయడం వల్ల మీకు తెలియకుండానే తక్కువ ఆహారాన్ని మీరు తింటారు. స్లో గా తినే వారి కంటే వేగంగా తినేవారు బరువు పెరిగే అవకాశం ఎక్కువ అని ఆరోగ్య నిపుణులు చెబుతున్నారు. వేగంగా తింటున్నప్పుడు ఎంత తింటున్నారో తెలియకుండా ఎక్కువ  తినేస్తారని, దీని వల్ల ఖచ్చితంగా ఊబకాయం వచ్చే అవకాశం ఉందని వారు వివరిస్తున్నారు.ఇంకా అలాగే మీరు తీసుకొనే ఆహారంలో ఖచ్చితంగా ప్రోటీన్లు అధికంగా ఉండే ఆహారం తీసుకోవాలి. ఎందుకంటే ప్రొటీన్ ఉన్న ఆహారం తింటే పొట్ట నిండిన భావన మీకు త్వరగా వస్తుంది.ఇంకా ఆకలి కూడా తగ్గిపోతుంది. చికెన్, చేపలు, పెరుగు, బాదంపప్పులు ఇంకా క్వినోవా వంటివి వాటిల్లో ప్రోటీన్లు చాలా ఎక్కువగా ఉంటాయి. ప్రోటీన్ లాగే ఫైబర్ ఎక్కువగా ఉండే ఆహారాన్ని తినడం వల్ల కూడా త్వరగా పొట్ట నిండిన భావన వస్తుంది. మొలకలు, నారింజలు ఇంకా అవిసె గింజలు వంటివి తినేందుకు ప్రయత్నించండి.


అలాగే నీరు ఎక్కువగా తాగితే ఆకలి తగ్గుతుంది. నీరు తాగడం వల్ల తక్కువగా తినే అవకాశం కూడా ఉంది. ముఖ్యంగా ఏదైనా భోజనం చేసే కొంత సమయం ముందు నీరుని ఎక్కువ తాగండి. అప్పుడు మీరు ఆహారం తక్కువ తీసుకుంటారు.అలాగే ఆహారం తింటున్నప్పుడు టీవీ, ఫోను చూడడం మానేయండి. వాటి ధ్యాసలో పడి ఎంత తింటున్నారు? అనేది కూడా మీకు అసలు తెలియదు.దీనివల్ల ఎక్కువ తినే ప్రమాదం కూడా ఉంది.ఇంకా అలాగే పిజ్జాలు, బర్గర్లు, తీపి పదార్థాలు, కేకులు వంటి వాటిని ఖచ్చితంగా చాలా దూరం పెట్టండి. సోడా, కూల్ డ్రింకులు వంటివి ఖచ్చితంగా పూర్తిగా మానేయాలి. ఎందుకంటే ఈ చక్కెర కలిపిన పానీయాలు బరువు త్వరగా పెరిగేలా చేస్తాయి.కాబట్టి ఖచ్చితంగా ఈ టిప్స్ పాటించండి. అధిక బరువు సమస్య బారిన పడకుండా ఎల్లప్పుడూ కూడా సంపూర్ణ ఆరోగ్యంగా ఎలాంటి రోగాలు రాకుండా ఉంటారు.

మరింత సమాచారం తెలుసుకోండి:

HEALTH

Purushottham Vinay

21/03/2023 09:52 AM