మెంతులు (Fenugreek Seeds) మన భారతీయ వంటకాల్లో, ఆయుర్వేదంలో అనాదిగా వాడుతున్నారు. వీటిలో ఫైబర్, ప్రోటీన్లు, ఐరన్ వంటి ఎన్నో పోషకాలు సమృద్ధిగా ఉంటాయి. ముఖ్యంగా మెంతులను రాత్రంతా నానబెట్టి ఉదయాన్నే తీసుకోవడం వల్ల వాటి పోషక విలువలు మరింత పెరుగుతాయి, జీర్ణ శక్తికి మరింత మేలు చేస్తాయి.
మెంతులలో గెలాక్టోమన్నన్ అనే కరిగే ఫైబర్ ఉంటుంది, ఇది రక్తంలో చక్కెర స్థాయిలు నెమ్మదిగా విడుదలయ్యేలా చేస్తుంది. దీనివల్ల రక్తంలో చక్కెర అకస్మాత్తుగా పెరగకుండా నియంత్రణలో ఉంటుంది. మధుమేహులు తప్పక తీసుకోవాల్సిన ఔషధం ఇది. నానబెట్టిన మెంతుల్లోని ఫైబర్ జీర్ణక్రియను మెరుగుపరుస్తుంది. మలబద్ధకం (Constipation), ఎసిడిటీ (Acidity), అజీర్ణం వంటి సమస్యలను తగ్గిస్తుంది. ఉదయం పూట ఖాళీ కడుపుతో వీటిని తీసుకోవడం వల్ల జీర్ణవ్యవస్థ శుభ్రపడుతుంది.
మెంతుల్లోని ఫైబర్ కడుపు నిండిన భావనను ఎక్కువసేపు ఉండేలా చేస్తుంది. దీనివల్ల అతిగా తినడం తగ్గి, శరీరంలోని కొవ్వు కరుగుతుంది. బరువు తగ్గాలనుకునేవారికి ఇది ఒక మంచి ఆహారం. ఇవి శరీరంలో ఉండే చెడు కొలెస్ట్రాల్ (LDL) మరియు ట్రైగ్లిజరైడ్స్ స్థాయిలను తగ్గించడంలో సహాయపడతాయి. దీనివల్ల గుండె ఆరోగ్యం మెరుగుపడుతుంది.
ముఖ్యంగా స్త్రీలలో బహిష్టు (Periods) సమయంలో వచ్చే కడుపు నొప్పిని తగ్గించడంలో మెంతులు అద్భుతంగా పనిచేస్తాయి. వీటిలోని యాంటీ ఇన్ఫ్లమేటరీ గుణాలు వాపు, నొప్పులను తగ్గిస్తాయి. మెంతులు జుట్టు రాలడాన్ని తగ్గించి, చుండ్రు సమస్యను నివారిస్తాయి. చర్మాన్ని కాంతివంతంగా, ఆరోగ్యంగా ఉంచడానికి కూడా సహాయపడతాయి. వేసవిలో శరీరంలో అధిక వేడిని తగ్గించి, శరీరాన్ని చల్లబరచడానికి నానబెట్టిన మెంతులు ఉపయోగపడతాయి.
ఏపీ, తెలంగాణ‌లో వివిధ నియోజ‌క‌వ‌ర్గాల్లో నెల‌కొన్న ప్ర‌జ‌ల స‌మ‌స్య‌లు, రాజ‌కీయ ప‌ర‌మైన అంశాల‌ను మా దృష్టికి తీసుకు రావాల‌నుకుంటున్నారా ? మీ స‌మ‌స్య లేదా మీరు చెప్పే విషయం ఏదైనా క్లుప్తంగా 9490520108 నెంబ‌రుకు వాట్సాప్ ద్వారా తెలియ‌జేయండి.
నోట్ : వ్య‌క్తిగ‌త స‌మ‌స్య‌లు వ‌ద్దు
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి