రుద్రాక్ష అనేది కేవలం పూస మాత్రమే కాదు, శివ స్వరూపంగా భావించే ఒక పవిత్రమైన శక్తి కేంద్రం. రుద్రాక్షను ధరించడం ద్వారా భక్తులు ఆ పరమేశ్వరుడి ఆశీస్సులను పొందుతారని ప్రగాఢ విశ్వాసం. ఆధ్యాత్మిక జీవితంలోనే కాక, వ్యక్తిగత ఆరోగ్యంపై కూడా రుద్రాక్ష గణనీయమైన ప్రభావాన్ని చూపుతుందని పురాణాలు, శాస్త్రాలు పేర్కొంటున్నాయి.
రుద్రాక్ష సాక్షాత్తు శివుని కన్నీటి బిందువుల నుండి ఉద్భవించిందని చెబుతారు. దీనిని ధరించిన వారికి శివుని ఆశీస్సులు లభిస్తాయని, వారి జీవితంలో శుభాలు కలుగుతాయని విశ్వాసం. రుద్రాక్షను ధరించడం వల్ల పూర్వ జన్మ కర్మల ప్రభావం తగ్గి, పాప విమోచనం కలుగుతుందని పండితులు చెబుతారు. రుద్రాక్ష ఒక రక్షణ కవచంలా పనిచేసి, ప్రతికూల శక్తులు, చెడు దృష్టి, మరియు జీవితంలో ఎదురయ్యే అడ్డంకుల నుండి రక్షణ కల్పిస్తుంది.
ఆధ్యాత్మిక జీవితాన్ని కోరుకునే వారికి, మనోస్థైర్యాన్ని, మానసిక శాంతిని, ఏకాగ్రతను పెంచడంలో రుద్రాక్ష ఎంతో సహాయపడుతుంది. రుద్రాక్ష ధారణ వలన మానసిక ప్రశాంతత లభించి, ఆందోళన, ఒత్తిడి వంటి సమస్యలు తగ్గుముఖం పడతాయి. రుద్రాక్షలో ఉండే సహజ పదార్థాలు శరీరంలో రక్త ప్రసరణను మెరుగుపరుస్తాయని, తద్వారా గుండె ఆరోగ్యానికి తోడ్పడతాయని ఆరోగ్య నిపుణులు పేర్కొంటున్నారు.
ఇది నరాల వ్యవస్థపై స్వాంతన కలిగించి, రక్తపోటును తగ్గించడంలో సహాయపడుతుంది. రుద్రాక్ష ధరించడం వల్ల శరీరంలో ఒక నూతనోత్తేజం, శక్తి కలుగుతుందని చెబుతారు. కొన్ని రకాల రుద్రాక్షలు దీర్ఘకాలిక వ్యాధులను నివారించడంలో కూడా సహాయపడతాయని నమ్మకం ఉంది. రుద్రాక్ష ధరించడం వలన వ్యక్తిలో ఆత్మవిశ్వాసం, నాయకత్వ లక్షణాలు అభివృద్ధి చెందుతాయి ముఖాలను బట్టి రుద్రాక్షలు వివిధ రకాల ఫలాలను అందిస్తాయి. ఉదాహరణకు, సప్తముఖి రుద్రాక్ష ధారణ వల్ల సంపద, కీర్తి, ఉత్తేజం లభిస్తాయని శాస్త్రాలు చెబుతున్నాయి. అయితే, ఏ రుద్రాక్షను ధరించాలి, ఎలా ధరించాలి అనే విషయాలపై సరైన విధివిధానాలు పాటించడం, గురువుల సలహా తీసుకోవడం శ్రేయస్కరం.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి