సుకుమార్ శిష్యుడుగా ఇండస్ట్రికీ పరిచయం ఉన్న బుచచిబాబు.. పంజా వైష్ణవ్ తేజ్ హీరోగా కృతి శెట్టి హీరోయిన్ గా తెరకెక్కిన ఉప్పెన మూవీ తో దర్శకుడిగా తన కెరియర్ ను మొదలు పెట్టాడు. బుచ్చిబాబు దర్శకత్వం వహించిన మొదటి మూవీ ఉప్పెన బాక్స్ ఆఫీస్ దగ్గర బ్లాక్ బాస్టర్ విజయాన్ని అందుకొని 100 కోట్లకు పైగా కలెక్షన్ లను బాక్స్ ఆఫీస్ దగ్గర కొల్ల గొట్టింది. దానితో ఈ దర్శకుడి కి తెలుగు సినిమా ఇండస్ట్రీ లో ఓ రేంజిలో క్రేజ్ లభించింది. అయితే నెక్ట్స్ సినిమాకు కథ రెడీ చేసుకున్నా హీరోలంతా బిజిగా ఉండటంతో ఏదీ ప్రారంభం కాలేదు. ఉప్పెన మూవీ తర్వాత ఈ దర్శకుడు స్పోర్ట్స్ బ్యాక్ డ్రాప్ లో యంగ్ టైగర్ ఎన్టీఆర్ తో ఒక భారీ మూవీ చేయబోతున్నట్లు కొన్ని వార్తలు బయటికి వచ్చాయి.
ఆ కథలో ఎన్టీఆర్ ..పెద్ద వయస్సు పాత్రలో కనిపించబోతున్నాడని ,కబడ్డీ ఆట చుట్టూ తిరుగుతుందని అన్నారుఎన్టీఆర్ ఉత్సాహం చూపిస్తున్నట్లు చెప్పారు. కానీ ఇప్పటి వరకు ఈ మూవీ కి సంబంధించి ఎలాంటి అధికారిక ప్రకటన బయటికి రాలేదు. ఎన్టీఆర్ కోసం బుచ్చిబాబు చాలా ప్రయత్నాలు చేశాడు. కొరటాల శివతో ఎన్టీఆర్ చేసే ప్రాజెక్టు కథ విషయంలో ఆలస్యం జరిగితే బుచ్చిబాబు కథ పై ఎన్టీఆర్ కొన్నాళ్ళు కూర్చున్నాడు అని అన్నారు. కానీ ఇప్పుడు బుచ్చిబాబు మరో స్టార్ హీరో పై ఫోకస్ పెట్టినట్లు వార్తలు గుప్పుమన్నాయి. ఆ హీరో రామ్ చరణ్ అంటున్నారు. రంగస్దలం సమయంలో బుచ్చిబాబుతో, చరణ్ కు పరిచయం ఏర్పడింది. బుచ్చిబాబుని బాగా నమ్మే హీరోల్లో రామ్ చరణ్ ఒకరు. దాంతో రామ్ చరణ్ తో ముందుకు వెళ్దామని డిసైడ్ అయ్యాడంటున్నారు.
అయితే బుచ్చిబాబు ప్రాజెక్టుని ఎన్టీఆర్ నిజంగా ప్రక్కన పెట్టాడా..అయితే అందుకు కారణం ఏమిటి అనే చర్చ మొదలైంది. ఫిల్మ్ సర్కిల్స్ లో చెప్పుకునేదాని ప్రకారం బుచ్చిబాబు తన కథతో.. ఎన్టీఆర్ ను ఆకట్టుకోవడంలో విఫలం అయ్యాడు. ఇంతలో కొరటాల ఫుల్ స్క్రిప్ట్ తో రెడీ అయ్యి...పట్టాలు ఎక్కిస్తున్నాడు.ఈ క్రమంలో బుచ్చిబాబు కథను ఎన్టీఆర్ పూర్తిగా పక్కన పెట్టాడట . అయినా ఎన్టీఆర్ తో బుచ్చిబాబు సినిమా తీయాలంటే.. అంతకంటే ముందే కొరటాల శివ అలాగే ప్రశాంత్ నీల్ ఎన్టీఆర్ తో తీస్తున్న సినిమాఅనేది పూర్తి కావాలి. కానీ ఈ సినిమాలు అనేవి ఇంకా ప్రారంభం కానేలేదు. ఎన్టీఆర్, కొరటాల సినిమా షూటింగ్ అనేది వాయిదా పడుతూనే ఉంది. వెయిటింగ్ లో పడి ఉండటం ఇష్టం లేని బుచ్చిబాబు, చరణ్ చెంతకు చేరే అవకాసం ఉంది.
వరుస సినిమాలతో బిజీగా ఉన్న చరణ్.. బుచ్చిబాబుకి తనతో ప్రాజెక్టు లేటు అవుతుందని చెప్పినట్లు సమాచారం. అయినా కథ నచ్చింది చేద్దామని చెప్పినట్లు సమాచారం. ఏదైమైనా ఉప్పెన తర్వాత బుచ్చిబాబుకి చాలా గ్యాప్ వచ్చింది. పైగా ఇప్పుడు హీరోలందరూ పాన్ ఇండియా రేంజ్ సినిమాలని, కథలను కోరుకుంటన్నారు. లోకల్ నేటివిటితో వచ్చిన బుచ్చిబాబు కి అదే మైనస్ గా మారిందని, ప్యాన్ ఇండియా సినిమాని హ్యాండిల్ చేయగలడా ? అనేది ఓ సందేహం హీరోలకు కలగుతోంది. ఏదైమైనా టాలెంట్ ఉన్న దర్శకుడు కు ఇంత గ్యాప్ రావటం మాత్రం ఇబ్బందికర పరిస్దితే.
