న్యాచురల్ స్టార్ నాని ఈ ఏడాది దసరా సినిమాతో పాన్ ఇండియా రేంజ్ హిట్ తన ఖాతాలో వేసుకున్నాడు. ప్రస్తుతం హాయ్ నాన్న అనే సినిమాతో ప్రేక్షకుల ముందుకు రావడానికి సిద్ధంగా ఉన్నాడు. యువర్ దర్శకుడు శౌర్యవ్ ఈ సినిమాతో టాలీవుడ్ కి ఎంట్రీ ఇస్తున్నాడు. ఫాదర్ అండ్ డాటర్ రిలేషన్షిప్ బ్యాక్ డ్రాప్లో ఎమోషనల్ డ్రామాగా ఈ సినిమా రాబోతోంది. ఈ మూవీలో నాని సరసన మొదటిసారి సీతారామం బ్యూటీ మృణాల్ ఠాకూర్ హీరోయిన్ గా నటిస్తోంది. ఇప్పటికే సినిమా నుంచి విడుదలైన పోస్టర్స్, టీజర్, సమయమా సాంగ్ ప్రేక్షకుల నుంచి అనూహ్య స్పందనను కనబరిచింది. వీటిని చూసిన ఫ్యాన్స్ అయితే నాని ఖాతాలో మరో బ్లాక్ బస్టర్ పడడం ఖాయమని ఆశాభావం వ్యక్తం చేస్తున్నారు.
రీసెంట్ గానే షూటింగ్ పార్ట్ అంతా కంప్లీట్ చేసుకున్న ఈ మూవీని డిసెంబర్ మూడో వారంలో రిలీజ్ చేసేందుకు మేకర్స్ ప్లాన్ చేశారు. ఈ కానీ 'హాయ్ నాన్న' రిలీజ్ డేట్ కి ప్రభాస్ 'సలార్' సినిమా విడుదల కాబోతుండడంతో 'హాయ్ నాన్న' మూవీ డిసెంబర్ నుంచి జనవరి కి షిఫ్ట్ కాబోతుందని కామెంట్స్ వినిపిస్తున్నాయి. అయితే రిలీజ్ డేట్ కాస్త అటు ఇటుగా మార్చినా ప్రమోషన్స్ విషయంలో మాత్రం మూవీ టీమ్ అసలు వెనక్కి తగ్గడం లేదు. సినిమా రిలీజ్ కి చాలా సమయం ఉన్నా కూడా రీసెంట్ గానే మ్యూజికల్ ప్రమోషన్స్ ని స్టార్ట్ చేసి ఫస్ట్ సింగిల్ 'సమయమా' సాంగ్ ని విడుదల చేశారు. విజయ్ దేవరకొండ 'ఖుషి' మూవీ తో డబ్ల్యూ హిట్ అందుకున్న మలయాళ సంగీత దర్శకుడు హేషం అబ్దుల్ వహాబ్
ఈ సినిమాకి అదిరిపోయే మ్యూజిక్ అందిస్తున్నారు. ఇప్పటికే విడుదలైన 'సమయమా' సాంగ్ యూట్యూబ్లో మిలియన్ల కొద్ది వ్యూస్ ని అందుకుంది. ఇక ఇప్పుడు సినిమా నుంచి సెకండ్ సింగిల్ ని విడుదల చేసేందుకు మేకర్స్ సిద్దమయ్యారు. ఈ క్రమంలోనే ఇందుకు సంబంధించిన ఓ స్పెషల్ అనౌన్స్మెంట్ వీడియోని రిలీజ్ చేశారు. ఈ పాట తండ్రీ, కూతురు ప్రేమ కథను చూపించబోతున్నట్లు తెలుస్తోంది. 'గాజు బొమ్మ'(Gaaju Bomma) అంటూ సాగే ఈ సాంగ్ ని అక్టోబర్ 6న విడుదల చేస్తున్నట్లు మేకర్స్ తాజా వీడియోలో రిలీజ్ చేశారు. అనౌన్స్మెంట్ వీడియో చివర్లో మ్యూజిక్ డైరెక్టర్ హేయమ్ అబ్దుల్ మ్యూజిక్ బిట్ అయితే అద్భుతంగా ఉంది. 'ప్రతి ఫాదర్ కి ఈ సాంగ్ చాలా స్పెషల్ గా ఉండబోతుందని' నాని ఈ సందర్భంగా పేర్కొన్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి