ఇక ఈ ఆనందకరమైన వార్తతో పాటు మరో ఆసక్తికరమైన అంశం సోషల్ మీడియాలో చర్చకు దారితీస్తోంది. అదే… పుట్టిన ఈ కవల పిల్లలకు రామ్ చరణ్, ఉపాసన ఎలాంటి పేర్లు పెట్టబోతున్నారు అన్నది. మెగా ఫ్యామిలీలో పుట్టిన చాలా మంది పిల్లల పేర్లలో ఆంజనేయ స్వామి లేదా శ్రీరాముడికి సంబంధించిన అర్థం ఉండేలా జాగ్రత్త తీసుకుంటూ వచ్చారు. అయితే రామ్ చరణ్ – ఉపాసన తమ మొదటి కూతురికి మాత్రం ఆ సంప్రదాయానికి భిన్నంగా ‘క్లిన్ కారా’ అనే పేరును పెట్టారు. ఈ పేరు లలిత సహస్రనామం నుంచి తీసుకున్నదిగా అప్పట్లో విశేషంగా చర్చకు వచ్చింది.ఇప్పుడు జన్మించిన కవల పిల్లలకూ అలాంటి ఆధ్యాత్మిక భావన కలిగిన పేర్లే పెడతారా? లేక మళ్లీ ఆంజనేయ స్వామి లేదా శ్రీరాముడి పేరుతో అనుసంధానం అయ్యేలా ఎంపిక చేస్తారా? అన్నది అభిమానుల్లో ఉత్కంఠను కలిగిస్తోంది. ముఖ్యంగా మగబిడ్డకు ఎవరు పేరు పెట్టబోతున్నారు, ఏ తరహాలో పేరు ఉండబోతుంది అన్నదానిపై సోషల్ మీడియాలో పెద్ద ఎత్తున చర్చ జరుగుతోంది.
ఇదిలా ఉండగా, పవన్ కళ్యాణ్ తన చిన్న కుమారుడికి తన పేరు, అన్నయ్య చిరంజీవి పేరు కలిసొచ్చేలా ‘మార్క్ శంకర్ పవనోవిచ్’ అని పేరు పెట్టిన విషయం తెలిసిందే. అదే తరహాలో రామ్ చరణ్ కూడా తన తండ్రి చిరంజీవి, బాబాయి పవన్ కళ్యాణ్ పేర్లతో అనుసంధానం అయ్యేలా తన కొడుక్కి పేరు పెడతాడా? అనే ఊహాగానాలు నెటిజన్లలో వినిపిస్తున్నాయి.మొత్తానికి, ఈ కవల పిల్లలకు రామ్ చరణ్ ఏ పేర్లు ఎంపిక చేస్తాడో చూడాలంటే కొద్ది రోజులు ఆగాల్సిందే. అప్పటివరకు మెగా అభిమానుల్లో ఈ ఆసక్తి తగ్గేలా మాత్రం కనిపించడం లేదు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి